Сэбиэскэй Сойуус Дьоруойа Федор Попов пааматынньыгын бастыҥ эскиһигэр куонкурус биллэрилиннэ
29.10.2024, 12:00
Хаартыска: СИА
Бөлөххө киир:
Саха сиригэр Сэбиэскэй Сойуус Дьоруойа Федор Попов пааматынньыгын бырайыагын (эскиһэ) оҥорууга аһаҕас архитектура куонкуруһа биллэрилиннэ.
Куонкуруһу тэрийээччи Дьокуускай куорат мэриятын кытары СӨ Архитектураҕа уонна куорат тутуутугар управлениета. Куонкурус Аҕа дойду Улуу сэриитигэр Кыайыы 80 сылын көрсө ыытыллар. Куонкуруска скульптураны уонна пааматынньыктары оҥорууга идэтийбит билиилээх-көрүүлээх, дьоҕурдаах дьон эбэтэр айар бөлөхтөр кыттыахтарын сөп. Биир кыттааччы үс үлэни ыытыан сөп. Куонкуруска үлэлэри 30 хонук устата ылыахтара.
Куонкуруска бэриллибит үлэлэри дьүүллүүр сүбэ сыаналыаҕа. Үлэлэри электроннай көрүҥүнэн эбэтэр кумааҕынан ылаллар (*.pdf,*.ppt, *.jpg). Аадырыһа: Дьокуускай к., Аммосов уул., 8 дь., кэб. 202, ону сэргэ электроннай аадырыска: uaig_sakha@mail.ru.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: