Хаартыска - Мария Васильева /СИА.
Бүгүн Араадьыйа күнүн көрсө «Саха» НКИХ салалтата Аҕа дойду Улуу сэриитин кыттыылааҕа, Сэбиэскэй сойуус Дьоруойа, араадьыйа биллиилээх суруналыыһа Кондаков Николай Алексеевич аатынан бириэмийэни туттарда.
Быйыл бу суолталаах бириэмийэ «Саха» НКИХ тэлэбиидэнньэтин дириэктэрэ, байыаннай суруналыыс Олег Колесовка-Талбаҥҥа ананна.
— Саха араадьыйатын ааттаах-суоллаах суруналыыһа Николай Кондаков аатынан дьоһуннаах бириэмийэни ылыы — олус улахан эппиэтинэс. Бу олоҕум — олус долгутуулаах уонна умнуллубат түгэнэ. Маннык улахан наҕараадаҕа бастакыбын тигистим. Быйыл араадьыйа уонна тэлэбиидэнньэ салаатыгар үлэлээбитим 15 үбүлүөйдээх сыла. Онон бу бириэмийэни бииргэ үлэлиир хамаандабыт кыайыытын курдук ылынан, кэллиэгэлэрбэр истиҥ махталбын тиэрдэбин. Бу бириэмийэни биһиги, эдэр көлүөнэ дьон, «абаанса » курдук ылынабыт. Ол аата инники өттүгэр улахан эппиэтинэһи сүгэн, бары кыахпытын, сырабытын ууран туран үлэлииргэ эбээһинэстиир наҕараада, — диэн санаатын үллэһиннэ Олег Колесов-Талбан.
Талааннаах суруналыыһы, эппиэттээх тэрилтэ салайааччытын Олег Колесовы-Талбаны дьоһуннаах наҕараадатынан ис сүрэхпититтэн эҕэрдэлиибит. Ситиһии бу курдук сиэттиспитинэн кэлэн иһэригэр баҕарабыт!
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…