Сөбүлэҥнэр өрөспүүбүлүкэ сайдыытыгар туһуланнылар
![](https://sakha-sire.ru/wp-content/uploads/2023/06/temp.jpg)
Петербурдааҕы экэнэмиичэскэй пуорум түмүктэммитин кэннэ, суолталаах тэрээһин чэрчитинэн Ил Дархан Айсен Николаев «Интерфакс» иһитиннэрэр ааҕыныстыбаҕа санаатын үллэһиннэ.
Кини бу кэпсэтиигэ АЛРОСА салалтата уларыйыытын, өрөспүүбүлүкэ авиахампаанньаларын үлэлэрин уонна пуорумҥа түһэрсиллибит сөбүлэҥнэргэ тохтоото.
Өрөспүүбүлүкэ Аҕа баһылыга «Туполев» корпорацияны кытта ТУ-214 12 көтөр аалы аҕаларга сөбүлэҥҥэ илии баттаспыттарын иһитиннэрдэ. Ил Дархан АЛРОСА салалтата уларыйыыта бу хампаанньаны кытта үлэҕэ дьайбатын, производственнай үлэни тэҥэ социальнай хайысхаҕа туһуламмыт үлэ салҕанарын бэлиэтээтэ. Салгыы Айсен Николаев Жатайдааҕы верфь тутуута тэтимнээхтик бара турарын сиһилии билиһиннэрдэ. Маны таһынан, Магадааҥна тиийэр тимир суолу тутуу боппуруоһа таарылынна.
Сообщить об опечатке
Текст, который будет отправлен нашим редакторам: