Сэдэх хаартыска көһүннэ

Сэдэх хаартыска — устуоруйа кэрэһитэ. Бу күннэргэ Арассыыйатааҕы билим академиятын Петр Великий аатынан антропология уонна этнография түмэлин пуондатыттан 1930-с сыллар ортолоругар Мэҥэ Хаҥалас улууһун Майа сэлиэнньэтигэр урукку Таҥара дьиэтэ Почта тэрилтэтэ буолан турдаҕына түһэрбит хаартыскалара көһүннэ.

Ол туһунан Мэҥэ Хаҥалас улууһун дьаһалтатын пресс-сулууспата иһитиннэрдэ.

Судаарыстыбаннай каталог саайтыгар хаартыска негативын бу сыл ыам ыйын 24 күнүгэр укпуттарын Хомус аан дойдутааҕы киинин уонна түмэлин үлэһитэ Станислав Афанасьев булбутун иһитиннэрбит.