Хаартыска: А.Шестаков тиксэриитэ.
“Якутоптторг” АУо (гендириэктэр Н.Н.Алексеев) хоту улуустары эрдэттэн аһынан-үөлүнэн хааччыйар туһугар кыһанар. Ол курдук, билигин тэрилтэ Магадаан Сэйимчээниттэн табаары Орто Халыма улууһугар уонна Зырянкаҕа ыыта сылдьар. Былырыын маннык хайысханан аан маҥнай боруобалаан ыыппыттара. Бу барыта сөмөлүөтүнэн тиэрдии ороскуотун аччатар туһугар оҥоһуллар.
“Якутоптторг” 5 туонна уйуктаах суудуна оҥостубута. Онон Владивостоктан тиийэн табаар, ас-үөл атыылаһан рефрижератордарга тиэйэллэр уонна Магадаан куоракка аҕалаллар. Онтон Сэйимчээҥҥэ аҕалан, сүөкээн, хараабылларыгар тиэйэллэр. Табаардарын быстах кэмҥэ харайалларыгар ыскылаат оҥостубуттар. Ол курдук, Сэйимчээн бириистэнигэр миэстэ булан, 20 т биир контейнеры уонна 40 т биир рефрижератор контейнеры илдьэн туруорбуттар. Уонна, дьэ, хараабыл айаҥҥа турунар.
— Билиҥҥи туругунан 30-ча т таһаҕаһы ыыттыбыт. Өссө 20 т Владивостоктан айаннаан иһэр. Ол кэллэҕинэ өссө биэс рейси ыытары былаанныыбыт. Сэйимчээнтэн таһаҕаспыт Халыма өрүһүнэн 3-4 күнүнэн тиийэр. Дьокуускайтан сөмөлүөтү көтүтүүгэ тыыппатах үппүтүн-харчыбытын атын хоту улуустарбытыгар туһаныахпыт. Быйыл Орто Халымаҕа “Якутоптторг” эргиэн-логистика киинин тутан, үлэҕэ киллэриэхтээх. Ол аһыллыытыгар ас-үөл, атын да табаар барыта баар буоларын курдук тэринэбит, — диэтэ Сэйимчээнтэн быһа сибээскэ тахсан, “Якутоптторг” АУО сокуупкаҕа уонна эргиэҥҥэ управлениетын начаалынньыгын солбуйааччы Алексей Петрович Шестаков.
Санатан эттэххэ, быйыл атырдьах ыйыгар Орто Халымаҕа уонна Зырянкаҕа эргиэн-логистика кииннэрэ аһыллаллара күүтүллэр. Ону сэргэ балаҕан ыйыгар Эдьигээҥҥэ, сэтинньигэ Тиксиигэ аһыллыахтаахтар. Барыта былаан быһыытынан бардаҕына, хоту улуустар абыраныыһыктар.
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…