Сэлии оҕотун Янаны Владивостокка аҕаллылар

Владивостокка Уһук Илиннээҕи федеральнай университет кампуһугар саамай былыргы сэлии тобохторо угуллубут саркофагын аҕаллылар.

Илиҥҥи экэнэмиичэскэй пуорум күннэригэр кинини Саха Өрөспүүбүлүкэтин павильонугар туруоруохтара. Яна диэн ааттаммыт сэлии оҕотун Саха сиригэр 2024 сыллаахха булбуттара. Чөл сыппытынан уонна аан дойдуга саамай саастаахтарынан билигин кини буолар. Бу Саха сиригэр көстүбүт үһүс сэлии оҕото, аан дойду үрдүнэн – сэттис.

Тэрийээччилэр кэпсииллэринэн, Владивостокка илдьэ кэлбит учуонайдар алҕаан, сиэри-туому тутуһан аҕалбыттар, диэн иһитиннэрэр “Вести:Приморье”.