Сөмөлүөккэ күлүгээннээбит пассажирга холуобунай дьыала тэрилиннэ
14.03.2025, 13:30
Хаартыска: pxhere саайтан
Бөлөххө киир:
Саха сирин тырааныспарга борокуратуурата сөмөлүөккэ күлүгээннээбит пассажирга холуобунай дьыаланы тэрийдэ. Быһылаан 2025 сыл тохсунньутугар «Новосибирскай – Дьокуускай» маршрутунан көппүт сөмөлүөт рейсигэр буолбут.
Силиэстийэ көрдөрбүтүнэн, эр киһи итирик туруктаах сылдьан уопсастыбаннай бэрээдэги кэспит. Кини атын пассажирдар аадырыстарыгар маат-куут түһэрбит, охсуһа сатаабыт уонна экипаж чилиэттэрин истибэтэх. Кини дьайыылара авиахампаанньа үлэһиттэрин үлэлэригэр мэһэйдэри уонна пассажирдарга кутталы үөскэппит.
Холуобунай дьыала тэрилиннэ. Силиэстийэни ИДьМ Хотугулуу-Илиҥҥи линейнэй управлениета тырааныспарга ыытар.
+1
4
+1
+1
1
+1
+1
3
+1
+1
1
Сообщить об опечатке
Текст, который будет отправлен нашим редакторам: