Сөмөлүөт билиэтин угуйук сигэтинэн киирэн ылымаҥ

Ааспыт  бээтинсэҕэ эрэ Геленджикка сөмөлүөт көтүүтэ сөргүтүллүбүтэ. Ол эрээри, хомойуох иһин диирбитигэр тиийэбин, хайыы-үйэ түөкүттэр оботтоох харахтарын уотугар түбэстэ.

ТАСС суруйарынан, албын саайтарга “билиэти” 35 800 солкуобайга атыылаабыттар, бу дьиҥнээх билиэт сыанатыттан хас эмэ бүк улахан буолар. “Аэрофлокка” Москва-Геленджик билиэт сыаната 18 тыһ. солк. саҕаланар.

Аны түөкүттэр “билиэти” төнүннэрэр курдук албын исхиэмэни эмиэ толкуйдаабыттар. Инньэ гынан албын страницаҕа киирэн, баан каартатын дааннайын киллэрдэххэ, реквизиттэри уоран ылан счеттан харчыны бүтүннүү устан ылаллар. Эспиэрдэр этэллэринэн, итиннэ кырата үс бөлөх үлэлиир.

Онон сөмөлүөтүнэн көтөр буоллаххытына, билиэти официальнай саайтартан эбэтэр эрэллээх сыһыарыылартан эрэ атыылаһыҥ. Угуйук сигэтинэн ханна да кииримэҥ.