Хаартыска: "Якутия" авиахампаанньа пресс-сулууспата.
“Якутия” хампаанньа Дьокуускай-Харбин рейсин сөргүттэ. Пандемия саҕаланыаҕыттан, Кытай кыраныыссатын сабан олорбута. Билигин Кытай кыраныыссатын аһан, визалары биэрэн саҕалаата.
Муус устар 6 күнүттэн ыам ыйын 11 күнүгэр диэри хас чэппиэр аайы сөмөлүөт Дьокуускайтан Харбиҥҥа көтүөҕэ.
Дьокуускайтан сарсыарда 9 чаас 5 мүнүүтэҕэ көтөр, Харбиҥҥа 10 чаас 40 мүнүүтэҕэ тиийэр.
Харбинтан 12 чаас 20 мүнүүтэҕэ көтөр, Дьокуускайга күнүс 4 чаас 10 мүнүүтэҕэ кэлэн түһэр.
Билиэт сыаната 230 евроттан саҕаланар (билиэт атыыланар күнүгэр евро кууруһуттан халбаҥныыр). Билиэттэри номнуо атыылаан саҕалаатылар.
Харбин – Маньчжурия биир улахан, ураты көстүүлээх куората буолар. Манна элбэх мусуойдар, православнай храмнар, аквапаарка, океанариум, үөһээ өттүгэр эргийэр эрэстэрээннээх “Дракон” телебашня, «Дир Флэт» хайаттан хайыһарынан сырылыыр курорт, опера тыйаатыра, «Ванда Сити» паарка (“Диснейленд” курдук), о.д.а. бааллар.
Маны тэҥэ, Харбинтан Пекин, Шанхай, Санья, о.д.а. куораттарга быһа көтүөххэ сөп.
Сиһилии 8 800 700 2190 нүөмэргэ эрийэн билсиэххэ сөп диэн “Якутия” авиахампаанньа пресс-сулууспата иһитиннэрэр.
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…