Сөмөлүөт төттөрү төннүбүт

Дьааҥыттан Дьокуускайга көппүт сөмөлүөт алдьанан, көппүт аэропордугар төннөн кэлбит. Бу туһунан бэҕэһээ, алтынньы 2 күнүгэр, Эрэгийиэннэр икки ардыларынааҕы илиҥҥи силиэстийэлиир управление иһитиннэрдэ.

«Барыллаан дааннайдарынан, Баатаҕайтан Дьокуускайга көппүт салгын суудуната алдьанан, көппүт аэропордугар төннөн кэлбит», — диэн Силиэстийэлиир кэмитиэт суруйар.

Биэдэмистибэ дааннайдарынан, сөмөлүөккэ 19 пассажир уонна экипаж алта чилиэнэ баар. Баатаҕайга этэҥҥэ түспүттэр. Быһылаан кэмигэр биир даҕаны киһи эмсэҕэлээбэтэх.

Суудуна туох буолбута быһаарыллар, бэрэбиэркэ ыытыллар.