Сөмөлүөт түһэригэр көлүөһэтэ алдьаммыт

Бэс ыйын 1 күнүгэр Өлүөхүмэ аэропуордугар кэлбит сөмөлүөт түһэригэр көлүөһэтэ алдьаммыт. Тырааныспар борокуратуурата бэрэбиэркэни саҕалаата диэн СИА суруйар.

“АэроБратск” авиахампаанньа Як-40 сөмөлүөтэ Братскай-Өлүөхүмэ маршрутунан көппүт. Өлүөхүмэ аэропуордугар түһэригэр хаҥас шасситын пневматиката алдьаммыт.

Сөмөлүөккэ 22 пассажир уонна 4 экипаж чилиэннэрэ бааллар эбит. Хата, ким да эмсэҕэлээбэтэх, сөмөлүөт этэҥҥэ сири булбут.

Илин-Сибиирдээҕи тырааныспар борокуратуурата бэрэбиэркэ кэнниттэн бу быһылааҥҥа сыана быһыаҕа, буруйдаахтары быһаарыаҕа уонна тустаах миэрэлэри ылыаҕа.