Хаартыска: Елена Потоцкая.
Бүгүн Креативнай пуорум чэрчитинэн «БРИКС+» стартап-эспэдиисийэ киинэ, анимация, муусука хайысхаларынан анал көрүүнү ыытта.
Кыттааччылар бэйэлэрин бырайыактарын норуоттар икки ардыларынааҕы эспиэрдэр хамыыһыйаларыгар билиһиннэрдилэр. Дьүүллүүр сүбэҕэ БРИКС дойдуларыттан: Соҕуруу Африкаттан, Кытайтан, Монголияттан, Индияттан креативнай индустрия бэрэстэбиитэллэрэ үлэлээтилэр. Биллиилээх киинэ оператора, продюсера, сценариһа, режиссёра Семен Аманатов тэрээһин туһунан санаатын үллэһиннэ:
— Наһаа улахан тэрээһин буола турар. Үчүгэйэ диэн, араас омук дойдутуттан, эрэгийиэннэртэн киинэ устар, киинэни оҥорор, атыылыыр, хайдах гынан өссө үрдүк таһымҥа таһаарары билэр элбэх исписэлиис кэлбит. Бүгүн инники былааннарбытын идиэйэлэрбитин кэпсии кэллибит. Бэҕэһээ «төгүрүк остуол» буолла. Онно саха киинэтэ сайдыытын туһунан кэпсэттибит. Биһиэхэ олус туһалаах продюсердар кэлбиттэр. Кырдьык да, «Саха киинэтэ» диэн дорҕоонноохтук ааттаммыт эбит! Биһиги бэйэбит эйгэбит дии саныы сылдьар дьон, бу өйдөбүл суолтатын үчүгэйдик билбэккэ да сылдьар эбиппит. Онон ааттаах-суоллаах дьон кэлэн, биһиги үлэбитигэр улахан сыанабылы биэрбиттэрэ, биллэ кынаттыыр.
Бүгүҥҥү бырайыактары көмүскээбит 13 кыайыылаах аатын сарсын Креативнай пуорум сабыллыытыгар, ыам ыйын 31 күнүгэр, Суорун Омоллоон аатынан Опера уонна балет тыйаатырыгар үөрүүлээх быһыыга-майгыга биллэриэхтэрэ.
Бастыҥ бырайыактар 1 мөлүйүөн солкуобайга тиийэ продюсерскай өйөбүлү ылыахтара уонна БРИКС+ дойдулар ырыынактарыгар тахсар кыаҕы ылыахтара.
Ахсынньы 6 күнүгэр Амма сэлиэнньэтин «Дружба» успуорт комплексыгар успуорт көрүҥүн бочуоттаах бэтэрээнэ Геннадий Васильевич Окороков…
Дьокуускайга икки эр киһи субуотаҕа балыктыы тахсан баран, дьиэлэригэр төннүбэтэхтэр. Кинилэри көрдүү бэнидиэнньиккэ үс быыһааччы…
Казань куоракка уус-уран гимнастикаҕа Арассыыйа Куубагын күрэхтэһиитэ түмүктэннэ. Онно дойду 20 эрэгийиэниттэн 150-тан тахса бастыҥ…
Erid: 2SDnjduRUSK Ахсынньы 1–21 күннэригэр мета-куйаарга «Сайылык» онлайн-бэстибээл ыытыллыаҕа. Манна көрөөччүлэр Саха сирин ускуустубатын, киинэтин,…
Өлүөхүмэ оройуонун борокуратуурата сибээс туһунан федеральнай сокуон толоруллуутун бэрэбиэркэлээтэ. Бэрэбиэркэ түмүгүнэн, Өлүөхүмэ куоракка уонна тыа…
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…