Олоҥхо күнүгэр «Арассыыйа — мин устуоруйам» историческай пааркаҕа «Олоҥхо» ассоциация, «Ытык олоҥхоһут», «Ийэ кут», «Ыччат олоҥхоһут» уопсастыбаннай тэрилтэлэр үөрүүлээх холбоһуктаах мунньахтарыгар бастыҥнары чиэстээтилэр.
Тэрийэр кэмитиэт Уус Алдан улууһун олохтооҕо Семен Черноградскайы «Олоҥхону тарҕатыыга кылаатын иһин» номинацияҕа бэлиэтээн, анал Эҕэрдэ суругу туттарда. Семен Ильич араас омук тылынан олоҥхолуур эбит. Бу туһунан олоҥхоһут бэйэтэ бу курдук кэпсиир:
— Саха биэс олоҥхотун биэс тылынан толоробун. Бэйэм олоҥхобун — нууччалыы, «Элэс Боотур» диэн олоҥхону — английскайдыы, Роман Алексеев олоҥхотун — французскайдыы уонна бэйэм олоҥхобун — сербия тылынан. Английскайдыы тылга олоҥхобун Эмиэрикэттэн кэлэ сылдьар саха тылын үөрэтэр кыыс үөрэппитэ. Французскай тылга нэһилиэгим оскуолатын учууталын кытта дьарыктаммытым. Сербия тыла боростуойун иһин бэйэм үөрэппитим. Нууччалыыга наһаа майгынныыр. Онон Дьокуускайтан Москваҕа диэри айаҥҥа сөмөлүөккэ олорон, тылбын нойосуус билэн тиийбитим. Ити 8-9 мүнүүтэҕэ суоттанабын. Барытыгар биирдии ырыалаах. Омуктар олоҥхону саха норуотун кылаата буолан, интэриэһиргииллэр. Өссө бэйэлэрин тылларынан иһиттэхтэринэ, олох кэрэхсииллэр. Холобура, Сербияҕа наһаа сонурҕаан истибиттэрэ.
Ити курдук, аттыбытыгар сонун сүүрээни тарҕата сылдьар олоҥхоһуттарбытыгар болҕомто ууруллара олус наада. Семен Черноградскай Олоҥхо күнүгэр анаан чиэстэнэн, эбии кынаттанан, өссө хас да омук тылынан олоҥхолуурдуу санаммыта чахчы.
Хаартыскаҕа уонна видеоҕа ааптар түһэриитэ уонна устуута.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…