Хаартыска: социальнай ситимнэртэн
Саха эдэр худуоһунньуга Семен Луканси хартыыналарын Соҕуруу Кореяҕа быыстапкаҕа туруордулар.
Кини Арассыйа уһулуччулаах худуоһунньуга быһыытынан Коряеҕа быыстапкаҕа кыттарга ыҥырыллыбыта. Ол курдук, быйыл суруйбут «Саха кыыһа» үлэтэ Кореяҕа быыстапка сүрүн афишата буолла.
Атырдьах ыйын 8 күнүгэр Соҕуруу Корея Тэгу куоракка Арассыыйа уонна Узбекистан аныгы ускуустубатын худуоһунньуктарын аан дойдутааҕы быыстапката аһылынна. Арассыыйа биллэр худуоһунньуктарын кытта Саха сирин худуоһунньуга кыыс кэрэ мөссүөнүн туруорда. Бэлиэтээн эттэххэ, быыстапка Бонсан култуурунай киин 20 сылыгар ананар. « Инникитин даҕаны норуоттар икки ардыларынааҕы түһүлгэҕэ биһиги култуурабытын тарҕанарыгар күүскэ үлэлиэм уонна көҕүлүөм, – диэн эдэр худуоһунньук социальнай ситимнэргэ суруйар.
«Арассыыйа уонна Узбекистан аныгы ускуустубута» быыстапкаҕа Арассыыйаттан уонна Узбекистантан биэстии аатырбыт худуоһунньуктар кытталлар. Быыстапка 1 №-дээх саалатыгар Узбекистантан худуоһунньуктар Акмаль Нур, Шохруха Косимов, Бахтиёр Дедашев уонна Джабохирбек Ниязов кытталлар. Оттон иккис быыстапка саалатыгар көрөөччүлэр саха худуоһунньуга Семен Луканси үлэтин-хамнаһын кытта билсиэхтэрэ. Арассыыйаттан худуоһунньуктар — Бурятияттан Юлия Сотникова уонна Артем Ульянов, Арменияттан Мгер Чатинян үлэлэрин кытта билиһиннэриэхтэрэ.
Семен Луканси Амма улууһуттан төрүттээх биллэр худуоһунньук. Амма улууһун Өннөс нэһилиэккэ 1990 сыллаахха ахсынньы 21 күнүгэр төрөөбүт. Худуоһунньук айар үлэтэ, бастатан туран, хотугу норуоттар уонна хотугу сир айылҕатын дьүһүйүүтүгэр олоҕурар. Кини аан дойдутааҕы уонна Арассыыйа быыстапкаларыгар, бэстибээллэригэр өрүү кыттар. Кини үлэлэрэ Саха сирин национальнай художественнай түмэлигэр, ону таһынан Мароккоҕа, Турцияҕа, Израильга, Финляндияҕа, Кытайга, Исландияҕа, Италияҕа, Канадаҕа уонна Мальтаҕа чааһынай кэлиэксийэлэргэ бааллар.
Быыстапка балаҕан ыйын 1 күнүгэр диэри үлэлиир.
Арассыыйа анал сулууспалара дьон тус дааннайдарын хомуйар уонна булан биэрэр саамай бөдөҥ телеграм-боту — «Глаз…
Саха Өрөспүүбүлүкэтин Төрүт сокуонугар киллэриллибит уларытыылар өрөспүүбүлүкэҕэ үөрэхтээһини бөҕөргөтөр эрэ буолбакка, барыга хаачыстыбалаах үөрэх тиийимтиэ…
СӨ Ил Дархана Айсен Николаев бүгүн, алтынньы 23 күнүгэр, хас да каадыр ыйааҕар илии баттаата. …
«Аҕа дойдуну көмүскээччилэр» пуонда Мэҥэ Хаҥаластааҕы салаатыгар байыаннай дьайыыга дьоруойдуу олоҕун толук уурбут Александр Данилов…
Алтынньы 23 күнүгэр Ил Түмэн сэттис ыҥырыылаах уон төрдүс (уочараттаах) пленарнай мунньаҕын кэмигэр норуот дьокутааттара…
Саха сирин тирэх пуунун үлэһиттэрэ байыаннай дьайыы зонатыгар Саха сириттэн сылдьар байыаннай сулууспалаахтарга баһыылкалары тиэрдиини…