Хаартыска: С.С.Павлов түһэриитэ.
Өрөспүүбүлүкэбит араас оройуоннарыгар бу күннэргэ саҥа тутуулар үлэҕэ киирдилэр. Саха сирин салалтата дойдубут Бэрэсидьиэнэ В.Путин көҕүлээбит национальнай бырайыактарын таба туһанан, оскуолалары, уһуйааннары, балыыһалары, успуорт комплекстарын туттарара дьоһун суолталаах.
Аллайыаха улууһун Чокуурдаах бөһүөлэгин олохтооҕо, СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин экологияны судаарыстыбаннай кэтээн көрүүгэ Аллайыахатааҕы иниспиэксийэтин судаарыстыбаннай иниспиэктэрэ Семен Павлов бу курдук санаатын үллэһиннэ:
— Ыраах сытар, уустук суоллаах-иистээх Аллайыаха улууһугар саҥа икки этээстээх таас оскуоланы туппуттара үчүгэй дии саныыбын. Бачча ыраах сиргэ тутуу матырыйаалын тиэйии-таһыы үгүс сыраны эрэйбит буолуохтаах. Онон, төрөппүттэр бары да үөрэбит. Тоҕо диэтэххэ, үчүгэй усулуобуйаҕа үөрэнэн, иитиллэн, оҕолорбут киэҥ билиилээх буолалларыгар көмөлөөх буолуо этэ. Бачча үчүгэй саҥа оскуола силигэ ситэн, инникитин үтүө түмүктэри биэриэ диэн эрэнэбит.
Түгэнинэн туһанан оскуолаҕа каадырдарынан хааччыллыы боппуруоһугар СӨ Үөрэххэ уонна наукаҕа министиэристибэтэ болҕомтотун ууруон наада. Кистэл буолбатах, учуутал тиийбэт кыһалҕатыттан билигин учуутал үстүү биридимиэти үөрэтиитэ эмиэ баар суол.
Эдьигээн оройуонугар аварийнай-чөлүгэр түһэрэр үлэни ыытыыга Ил Дархан Айсен Николаев ахсынньы 5 күнүгэр киэһэ ыксаллаах…
Бүгүн эрэл, таптал уонна үөрүү күнэ. Чугас дьоҥҥутун кытта бииргэ буолуҥ, үтүө санааҕытын кытта үллэстиҥ.…
Бүгүн Дьокуускай куоракка Преображенскай таҥара дьиэтигэр православнай итэҕэллээхтэр мустуохтара. Бу сарсыарда 10:00 чааска Ороһуоспа иннинээҕи …
Бүгүн, тохсунньу 6 күнүгэр, норуот суруйааччыта, СӨ ускуустубатын үтүөлээх диэйэтэлэ, П.А.Ойуунускай аатынан Судаарыстыбаннай бириэмийэ лауреата…
Бүгүн, тохсунньу 6 күнүгэр, Саха сирин синоптиктара кыралаан хаар түһэрин, үгүс оройуоннарынан сөҥүүтэ суох, нэһилиэктэринэн…
Быйылгы 2025 сыллаах Оһуокайбыт Аар Дархан этээччибит, сүүс сааһыгар үктэнэрэ аҕыйах сыл эрэ хаалбыт ытык…