Хаартыска: Денис Попов (Сахамедиа).
СӨ норуодунай суруйааччыта, СӨ култууратын үтүөлээх үлэһитэ Семен Андреевич Попов-Сэмэн Тумат Өлүөнэ өрүһү туоруур муоста тутуутун бастакы сыбаайата түһүүтэ, судаарыстыбаннай суолталаах тутуу буоларын ыйар.
— Бүгүн Саха Өрөспүүбүлүкэтигэр улахан историческай күн аана аһыллар түгэнигэр тиийэн кэллибит. Ол тугуй? Ол – Өлүөнэ өрүһү туоруур муостаны тутуу саҕаланыытын бастакы сыбаайата ууруллар күнэ.
Ханнык баҕарар судаарыстыба хорук тымырынан, кини сайдыытынан, аан дойдуга тахсар мэктиэтинэн суолун-ииһин оҥостуута буолар. Ол курдук, Өлүөнэ өрүһү туоруур муостаны тутуу саҕаланыыта олус улахан суолталаах. Уопсайынан, БАМ курдук улахан тутуу аата-суола дуорайан тахсыаҕыттан ыла, Сэбиэскэй Сойуус саҕаттан, билиҥҥи Арассыыйа Бэрэсидьиэнэ Владимир Владимирович Путин бэйэтинэн суолта уурар тутуутугар хамсааһын барда. Мин санаабар, бу муоста тутуллуута судаарыстыбаҕа улахан үпкэ-харчыга турар быһыылаах. Ол гынан баран, биһиги судаарыстыбабыт дьаныһан туран өр сылларга үөрэттэ, хапытаалы мунньунан үбү укта. Ити күннээҕи дьаһал, ылбычча тутуу буолбатах. Суол-иис боппуруоһа Арассыыйаҕа хайа да үйэтээҕэр олус күүскэ турда. Ол стратегията тугуй диэтэххэ, бүтүн Евразия материгын эргийэр тимир суол оҥоһуллар буолла. Биһиги тапталлаах өрөспүүбүлүкэбит – Саха сирэ онно холбонор кыахтанна. Дьоллоох-соргулаах норуот сайдыытын тирэҕинэн буолар суол-иис оҥоһуллуутугар өрөспүүбүлүкэ кыттара, мин санаабар, үчүгэй. Онон бүгүҥҥү бастакы сыбаайа түһүүтэ, судаарыстыбаннай суолталаах суол-иис аһыллыытын мэктиэтинэн буолар күнэ. Биһиги, аныгы кэм саастаах дьоно ол бэлиэ күҥҥэ тиийэн кэлбиппитинэн киэн туттабыт. Биһиги өрөспүүбүлүкэбит судаарыстыба кыһалҕатын толуйсар кыаҕа үөскээн эрэриттэн ама, ким үөрбэт буолуой?! Саха сирэ Арассыыйа сайдыытын хорук тымыра буолан эрэрин бастакы саҕаланыыта бу сыбаайа түһүүтүнэн мэктиэлэнэр, — диэн санаатын этэр.
Бүгүн Өлүөнэ өрүс хаҥас кытылыгар үөрүүлээх быһыыга-майгыга Өлүөнэ күргэтин бастакы тирэҕэр өйдөбүнньүк бэлиэни туруорар тэрээһин…
2024 сыл от ыйыгар Дьокуускай куорат биир саҥа тутуутугар нус-хас олох тохтообута. Сэттис мэндиэмэҥҥэ олорор…
Хортуоскаттан эрэ буолбакка, атын оҕуруот аһыттан минньигэс, туһалаах пюре оҥоһулларын билэҕит дуо? Бу маннык илдьиритиллибит…
Саха сиринээҕи тырааныспар борокуратуурата сымнаҕас сыттыктаах суудунаны кытары сибээстээх түбэлтэнэн бэрэбиэркэ ыытар. Бүгүн, алтынньы 21…
Алтынньы 20 күнүгэр Куокуй орто оскуолатын дириэктэрэ Петров И.И. биһиги иистэнэр сыахпытыгар соһуччу бэлэхтээх киирэн…
Саха сирин үөрэхтээһинин сүрүннүүр исписэлиистэр уонна парламентарийдар Төрүт сокуоҥҥа үөрэххэ сыһыаннаах көннөрүүлэри өйүүллэрин биллэрдилэр. Кинилэр…