Билиҥҥи кэмҥэ биир ураты сорукпутунан байыаннай эпэрээссийэ кыттыылаахтарыгар, кинилэр дьиэ кэргэттэригэр көдьүүстээх өйөбүлү, көмөнү оҥоруу буолар диэн «Полярные авиалинии» АК генеральнай дириэктэрэ Семен Винокуров кэпсиир.
— Арассыыйаны, Ийэ дойдубут бары нэһилиэнньэтин интэриэһин, тастан суоһуур кутталтан көмүскээһин билиҥҥи сорукпут эрэ буолбакка, кэлэр да кэмнэрдээҕи тутаах сорукпут буолар. Бу дьулуурбутугар биһиги биир санаанан салайтарабыт уонна ону туруулаһыыга биир сомоҕо күүс буолабыт. Бу кэмнэргэ дойдубутугар хантан да куттал суоһаабатын туһугар, харысхаллаах буолуубутугар улахан олук ууруллуутугар күүстээх түмсүүлээх үлэ бара турарын хас биирдиибит үчүгэйдик өйдүүр. Дойдубут маны хайаан да ситиһэн тэйиэҕэ диэн бигэ санаалаахпыт. Бэрэсидьиэн Владимир Путин байыаннай эпэрээссийэ буойуттарыттан дойдубутугар куттал суох буолуута, судаарыстыбаннаспыт уонна норуоппут инникитэ улахан тутулуктаах диэн бэлиэтээн эппитэ. Маннык этиигэ мин толору сөбүлэһэбин.
Билиҥҥи кэмнэргэ ыччаты, нэһилиэнньэни дойдуга таптал, бэриниилээх буолуу тыыныгар иитии улахан суолталанна. Маны иитиигэ алын сүһүөх байыаннай бэлэмнээһини олоххо киллэрии, Юнармия уонна ыччат волонтердарын хамсааһыннарын көмөлөрө улахан буолуо. Дойдуну таптыыр, бэриниилээх ыччаты солбук быһыытынан үүннэрэн таһаарыахтаахпыт.
Биһиги өссө биир улахан сорукпут – байыаннай эпэрээссийэ бары кыттыылаахтарыгар көдьүүстээх өйөбүлү, көмөнү оҥоруу. Авиакомпаниябыт личнэй састаабын кэлэктиибэ маны үчүгэйдик өйдүүр. Байыаннай эпэрээссийэҕэ кытта сылдьар биир дойдулаахтарбытыгар көмөлөспүппүт курдук салгыы көмөлөһө туруохпут. Байыаннай эпэрээссийэ кыттааччыларыгар көмөлөһүү пуондатыгар биһиги уопсайа 2 мөл. солкуобай кэриҥэ үбүнэн көмөнү киллэрдибит. Буойуттарбыт дьиэ кэргэттэрин эмиэ умнубаппыт.
Авиакомпания киин куорат Гагаринском уокуругун попечительскай Сүбэтин састаабыгар киирбитэ. Тоҕо диэтэххэ, манна сүрүн сыалбыт – бу дьиэ кэргэттэри өйөөһүн, кинилэргэ көмөлөһүү. Бу соторутааҕыта биһиги компаниябыт «Саха-Волонтёр» үтүө дьулуур хамсааһыныгар эмтэниини ааһар буойуттарга анаан госпитал набуордарын атыылаһыыга көмөлөспүппүт.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…