Ульяна Захарова хаартыскаҕа түһэриитэ
Бүгүн, кулун тутар 21 күнүгэр, Дьокуускай куоракка «Арассыыйа — мин устуоруйам» түмэлгэ «Семья — инвестиции в будущее» диэн өрөспүүбүлүкэтээҕи VI бэстибээл түмүктүүр күнэ буолла.
Бэстибээлгэ РФ үп министиэристибэтин финансовай бэлиитикэтин Департаменын судаарыстыбаннайа суох биэнсийэ пуондатын салаатын начаалынньыга Наталья Каменская, ону сэргэ судаарыстыбаннайа суох биэнсийэ пуондаларын Национальнай ассоциациятын вице-бэрэсидьиэнэ Алексей Денисов ыалдьыттаатылар.
«Бэстибээл кыттыылаахтарыгар, кэлбит ыалдьыттарга өр сылларга уурунуу бырагыраамаларын, үбү-харчыны сатаан туттууга сүбэ-ама биэрдибит, кэпсээтибит», — диэтэ Наталья Каменская.
Алексей Денисов: «Бэстибээли олус астынныбыт. Тэрээһиҥҥэ олус элбэх киһи кэлбитэ үөртэ да, соһутта да. Ордук ыччат олус көхтөөҕүн бэлиэтии көрдүм. Былырыын Арассыыйа устун сылдьыбыппыт, 25 эрэгийиэҥҥэ сылдьан уһун кэмҥэ уурунуу туһунан кэпсээбиппит. Бу сылга сезону Саха сирэ арыйда. Атын эрэгийиэннэр эмиэ үөрэ-көтө, сылаастык биһигини көрсүөхтэрэ диэн эрэнэбит «, — диэн санаатын үллэһиннэ.
Бэстибээл чэрчитинэн үс күн устата 1560 киһи кыттыыны ылла. Чахчы даҕаны, элбэх ыччат, дьон-сэргэ мустан үбү-харчыны сөпкө уурунуу, элбэтии туһунан туһалаах сүбэлэри ыллылар. Түмүктүүр күҥҥэ СӨ Бырабыыталыстыбатын бэрэссэдээтэлэ Кирилл Бычков, үп миниистирин эбээһинэһин толорооччу Иван Алексеев, СӨ Национальнай бааныгар отделение салайааччыта Антон Коноплев, үөрэх уонна наука миниистирин солбуйааччы Виктория Захарова кыттыыны ыллылар.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…