Сенатор Александр Акимов: «Кыайыы уонна кырдьык биһиги диэки»

Арассыыйа уонна Украина сыһыаннаһыыларыгар сенатор Александр Акимов санаатын маннык үллэһиннэ:

— Российскай Федерация кыраныыссатыгар НАТО олус чугаһаата. Урукку ССРС өрөспүүбүлүкэлэрин, чуолаан, Украинаны, Латвияны, Литваны, ону таһынан Польшаны, онтон да атын судаарыстыбалары сэрии сэбинэн хааччыйан, Арассыыйаны утары күүскэ киксэрэн, дойдубут кыраныыссатыгар соруйан тыҥааһыннаах балаһыанньаны үөскэтилэр. Украина Донецкай, Луганскай, Запорожскай, Херсонскай эрэгийиэннэрин олохтоохторун аҕыс сыл устатыгар өлөр-тиллэр ыккардынан сордоон-муҥнаан олордубута.
Кинилэр Арассыыйа састаабыгар киирэргэ үтүө баҕаларын биллэрэннэр, билигин РФ 89 субъектаах буолла. Бу саҥа киирбит түөрт субъегы националистартан толору ыраастыыр сорук турар. Саҥа субъектарбытыгар олоҕу саҥалыы тутан, куораттары, онно баар дьиэни-уоту, олоҕу-дьаһаҕы чөлүгэр түһэрэн, дьон-сэргэ эйэлээх олоҕунан олорорун хааччыйыахтаахпыт. Биһиги буойуттарбыт ону туруулаһа сылдьаллар. Кыайыы уонна кырдьык биһиги диэки!