Хаартыска: Лана Александрова уонна ВШИМ тиксэриилэрэ
Сахамин Афанасьев “Саха сирэ – Дьоруойдар дойдулара” бырагыраама кыттыылаахтарын кытта көрүстэ.
Федерация Сэбиэтин эрэгийиэннээҕи бэлиитикэҕэ, олохтоох бэйэни салайыныы уонна Хотугу сир дьыалаларыгар кэмитиэтин чилиэнэ, СӨ судаарыстыбаннай былааһын сокуону оҥорор уорганын бэрэстэбиитэлэ Сахамин Афанасьев “Саха сирэ – Дьоруойдар дойдулара” эрэгийиэннээҕи бырагыраама истээччилэригэр аан дойду бэлиитикэтигэр буола турар сабыытыйалары, байыаннай дьайыыны сокуонунан өйөөһүнү уонна Арассыыйаны утары экэнэмиичэскэй сааҥсыйалар тустарынан кэпсээтэ.
Истээччилэринэн байыаннай дьайыы кыттыылаахтара уонна бэтэрээннэрэ буолаллар, кинилэр Инновационнай салайыы үрдүкү оскуолатыгар (ВШИМ) биир сыл үөрэниэхтэрэ.
С. Афанасьев бу бырагыраама олоххо киирдэҕинэ, эрэгийиэн инникитин түстүүр лиидэрдэр тахсалларыгар эрэлин биллэрдэ.
Көрсүһүү кэмигэр байыаннай сулууспалаахтар сенаторы кытта туох кыһалҕалаахтарын быһаарыстылар, далааһыннаах боппуруостары: глобальнай геобэлиитикэ сабыытыйаларын, информационнай сэрии содулун, дьон олоҕун хааччыйар эбийиэктэри терактартан көмүскээһини, ону кытта ыччат сайдар стратегиятын, ол иһигэр үүнэр эрэр көлүөнэҕэ патриотическай иитиини дьүүллэстилэр.
“Саха сирэ – Дьоруойдар дойдулара” бырагыраамаҕа кыттарга барыта 583 сайаапка киирбитэ, ол онтон 345-һэ байыаннай дьайыыга сылдьар дьонтон. Бастакы бөлөххө 25 киһи киирбитэ, үөрэнии бэс ыйын 16 күнүттэн саҕаламмыта. Өссө 25 киһи саппааска бааллар, билигин кинилэр байыаннай сулууспаҕа сылдьаллар итиэннэ төннөн кэллэхтэринэ үөрэниэхтэрин сөп.
Лана Александрова.
ИДьМ Алдан оройуоннааҕы холуобунай ирдэбил үлэһиттэрэ суһал-көрдүүр үлэлэрин кэмигэр Алдан оройуонун 29 саастаах олохтооҕо дьиэ-уот…
Саха сирин военкордарын телеграм-ханаалларыгар үгүстүк байыаннай дьайыыга сылдьар уолаттар санааларын таһаараллар. Биир оннук “Боотур БАРС-2”…
Бүгүн саайпытыгар Ытык Күөлтэн 5 км Мойуона диэн сиргэ парашютунан ыстаныыга эрчиллэ сылдьыбыт 2002 с.т.…
«Зеленый четверг» айылҕа харыстабылын аахсыйатын чэрчитинэн, Бүлүүтээҕи ойуур хаһаайыстыбата (Д.Г. Макаров аатынан «Зеленый пояс Вилюя»…
«Бэс чагда» («Сосновый бор») оҕолору сынньатар уонна чэбдигирдэр кииҥҥэ «Зеленые пионеры Якутии» өрөспүүбүлүкэтээҕи 9 сүлүөт…
Бэс ыйын 26 күнүнээҕи туругунан, Дьокуускайга уонна 14 улууска 472 киһини клещ ытырбыт. Ол иһигэр…