Сенатор Ольга Епифанова 2025 сылга босуобуйа кээмэйин туһунан кэпсээтэ

2025 сылга оҕо күүтэр дьахталлар босуобуйаларын кээмэйэ улаатыа диэн сенатор Ольга Епифанова кэпсээтэ.

Кини этэринэн, муҥутуур төлөбүр кээмэйэ биир оҕоҕо — 794 тыһ. солк., төрүүр кэмигэр уустуктары көрсүбүттэргэ — 885 тыһ. солк., ону таһынан элбэх оҕону күүтэр дьахталларга — 1,1 мөл. солк. тахса буолар.

Санатан эттэххэ, оҕо күүтэр дьахтар уоппускатын болдьоҕо 140-194 хонукка диэри араастаһар. Хамнас муҥутуур алын кээмэйин үрдүүрүн учуоттаан, аны кэлэр сыл саҥатыттан (22,4 тыһ. солк.) босуобуйа кээмэйэ эмиэ уларыйыаҕа. Ол курдук, биир оҕону күүтэр дьахтарга төлөбүр кээмэйэ — 103 тыһ. солк., төрүүрүгэр уустуктардаахтарга — 115 тыһ. солк., элбэх оҕону күүтэр дьахталларга — 143 тыһ. солк. буолар.

Бособуйа кээмэйэ дьахтар кэнники икки сыллааҕы хамнаһыттан көрөн суоттанар. Наада буоллаҕына бу хамнас уопсай суумата ылыллар кэмин көрөн уларытыахха сөп, оччотугар Социальнай пуондаҕа тиийэҕит. Босуобуйаны анатарга дьахтар үлэ биэрээччигэ оҕо күүтэр 30-с нэдиэлэтигэр  декрет ылан оҥотторуохтаах, быраастан больничнай илииһи ылыахтаах. Босуобуйаны Социальнай пуонда автоматическайдык ыытар, оттон төлөбүрдэр уон хонук иһигэр киирэллэр.