Сахамин Афанасьев: «Дойду баһылыга Арктика зонатын кэлимник сайыннарыы кэскилин туһунан кэпсээтэ»

«Арассыыйа Бэрэсидьиэнэ Владимир Путин кулун тутар 27 күнүгэр Мурманскайга «Арктика – территория диалога» VI норуоттар икки ардыларынааҕы Арктика пуорумун пленарнай мунньаҕар тыл эттэ. Тыл этиитигэр дойду баһылыга Арктика зонатын уонна Хотугу муора суолун кэлимник сайыннарыы кэскиллэрин туһунан кэпсээтэ», — диэтэ сенатор Сахамин Афанасьев.

«Владимир Путин норуоттар икки ардыларынааҕы пуорум пленарнай мунньаҕар этиитэ Арктика бэбиэскэтигэр туһаайан этиитигэр тэҥник буолар. Кини Арктика дойдуга да уонна аан дойдуга да сүҥкэн оруоллааҕын уонна суолталааҕын бэлиэтээтэ. Судаарыстыба баһылыга Арктика эйгэтин өйүүргэ уонна судаарыстыба уһун болдьохтоох социальнай-экэнэмиичэскэй сайдыытын хааччыйарга, дьон олоҕун хаачыстыбатын тупсарыыга уонна ураты айылҕалаах эйгэни оннунан хаалларыыга судаарыстыба сүрүн соруга буоларын бэлиэтээтэ.

Биир сүрүн хайысханан Арктикаҕа тырааныспары уонна логистиканы бөҕөргөтүү, саҥа ледоколлары, суудуналарыы, атыы-эргиэн флотун, таһаҕас тиэйэр уонна аварийнай-быыһыыр суудуналары, ону тэҥэ хотугу портар кыамталарын күүһүрдүү буолуоҕа. Ону тэҥэ Уһук хоту аэропортары саҥалыы сөргүтэн, Арктикаҕа киэҥ аэропорт ситимин тутуутун өйүүргэ сорудахтаата», — диэтэ Сахамин Афанасьев. Бу туһунан сиһилии манна аах.