Сенатор Сергей Перминов МАГАТЭ генеральнай дириэктэрэ ыҥырыллыбытын кэмэнтээрийдээтэ

Атырдьах ыйын 27 күнүгэр Атомнай энергия аан дойдутааҕы ааҕыныстыбатын (МАГАТЭ) генеральнай дириэктэрэ Рафаэль Гроссио Владимир Путин ыҥырыытынан Курскай АЭС баар сиригэр Курчатов куоракка кэллэ.

 Сенатор Сергей Перминов саныырынан, бу Арассыыйа аһаҕас уонна эрэллээх, ону кытта сөптөөх дьыаланы ыытар кыаҕы биэрэр эрэллээх партнер быһыытынан буоларын бигэргэтэр.

«Киевскай эрэсиим ыстаапкатын муҥутуур үрдэтэргэ күһэйэр. Запорожскай уонна Курскай АЭС ыстаансыйаларыгар атаакалар Украинскай былаастар дуона суох быһаарыы ылыналларын, провокациялары олохтуулларын ала-чуо көрдөрөр. Кинилэр дьайыыларыгар кэнникини сылыктаабакка,  алдьатыылаах толкуйунан эрэ салайтараллар. Курскай АЭС тула МАГАТЭ-ны кытта сибээстэһии  Киев инники дьайыытыттан кутталы үөскэтэрин өссө төгүл бэлиэтиир. Кинилэр ааҕыныстыба көмүскүүр бириинсиптэрин кэһэллэр. Арҕаа бэлиитиктэрэ уонна эспиэрдэрэ ядернай эбийиэктэринэн украинскай атаакаларыгар  эппиэтинэстэрин мэлдьи өйдүөхтээхтэр», — диэтэ Сергей Перминов.

«Тэрилтэ киэҥ араҥаҕа дьайыыта быһаарыылаах буолара саарбахтанар. Ол эрээри, ыҥырыы ыытан, Арассыыйа өссө төгүл бэйэтин аһаҕас уонна эрэллээх партнер быһыытынан буоларын көрдөрдө. Киевкэ дьайыан баҕарбакка, арҕаа дойдулар аан дойдуга бигэ туруктаах буолууну хааччыйар ядернай көмүскэлигэр кутталы суоһууллар», — диэн эбэн эттэ РФ сенатора.