Хаартыска: sakha.gov.ru
«Россия – страна возможностей» бэрэсидьиэн платформатын «Сенеж» мастарыскыайыгар социальнай архитектордар күрэхтэрин 74 кыайыылааҕын биллэрдилэр, бу туһунан www.sakha.gov.ru суруйар.
Тэрээһин кыттыылаахтара салайар уонна бырайыак соруктарын быһаардылар, лиэксийэ бырагырааматыгар кыттыыны ыллылар. Күрэх кыайыылаахтара Бэрэсидьиэн академиятын «Социальнай архитектура практикатын маастара» диэн профессиональнай бэлэми уларытан бэлэмнээһин бырагырааматынан үөрэхтэрин салгыахтара, диэн аахсыйаны тэрийээччилэр иһитиннэрдилэр. Сабыллыы сиэрин-туомун чэрчитинэн кыттааччылар иннилэригэрРФ Бэрэсидьиэнин жьаһалтатын салайааччытын бастакы солбуйааччы Сергей Кириенко тыл эттэ.
Кини саҥа профессиональнай түмсүү улахан суолталааҕын уонна социальнай архитектордар ирдэнэллэрин бэлиэтээтэ. «Эһиги күрэххэ кэлбит 7,5 тыһыынча профессионалтан бастыҥнара буоллугут. Уопсайынан, эһиги ураты балаһыанньалааххыт – идэни айаҕыт. Бэйэҕит санааҕытынан, эрчимҥитинэн, талааҥҥытынан, көхтөөх буолуугутунан ону олоххо киллэрэҕит. Айар бырасыас киэҥник тэнийэр: эрэгийиэннээҕи да, бүтүн Арассыыйатааҕы да таһымнаах кэмпириэнсийэлэр бара тураллар. Ахсынньыга Калининградка социальнай архитектураны идэ уонна билим быһыытынан сайыннарыыга анаммыт норуоттар икки ардыларынааҕы кэмипириэнсийэ ыытыллыаҕа, ол 20-тэн тахса дойдуну түмүөҕэ. Дойду бастыҥ үрдүк үөрэҕин кыһаларыгар факультеттар, кафедралар, магистратуралар аһыллаллар, үөрэх бырагыраамалара оҥоһуллаллар, маннык исписэлиистэргэ наадыйыы олус үрдүк», – диэн Сергей Кириенко бэлиэтээтэ.
Финал былаһааккатыгар ону таһынан Брэрэсидьиэн социальнай бырасыастары кэтиир уонна анаалыстыыр боппуруостарга Управлениетын началынньыга, күрэх эспиэр сэбиэтин чилиэнэ Александр Харичев тыл эттэ. Итини таһынан, тэрээһиннэргэ Коми Өрөспүүбүлүкэтин баһылыга Ростислав Гольдштейн уонна Кировскай уобалас губернатора Александр Соколов, Федерация Сэбиэтин чилиэнэ Сергей Перминов, Судаарыстыбаннай Дума дьокутааттара Дмитрий Гусев, Сангаджи Тарбаев уонна Станислав Наумов уонна да атыттар кытыннылар.
Майаҕа быйыл "Ларионов ааҕыыларыгар" өрөспүүбүлүкэ оскуолаларыттан 500 оҕо кытынна. Бүгүн саха биллиилээх учуонайа, профессор Владимир…
В.Д.Лонгинов аатынан Атамай орто оскуолатын алын сүһүөх кылааһын алта эдэр чинчийээччитэ Бүтүн Арассыыйатааҕы "Юный исследователь"…
"100% көмүскэллээхпин диэн эрэммитим": диэн күүстээх санаа баһылаабытын туһунан Арассыыйа Дьоруойа Андрей Григорьев "Россия 1"…
Дьиэҕэ олорон үлэлииргэ-үөрэнэргэ элбэхтик хамсаммат буоллахха, бу доруобуйаҕа охсуулаах буолуон сөп. Аан бастаан харах уонна…
РФ Бэрэсидьиэнэ Владимир Путин Арассыыйа норуоттарын сомоҕолоһууларын сылын үөрүүлээх быһыыга-майгыга арыйда. Тэрээһин "Россия — семья…
Аһыырбытыгар сыһыаннаах сиэр-туом туһунан билэҕин, истибитиҥ дуо? Тугу билиэхтээх, тутуһуохтаах эбиппитий? Айыы үөрэҕэ тугу этэрий,…