Хаартыскаҕа Андрей Сорокин түһэриитэ, СИА
Ил Дархан Айсен Николаев сөҥүү кэнниттэн ойуур баһаардарын түргэнник бохсорго уонна умуруорарга соруйда.
Сорох улуустарга ардаабытынан, миэрэлэри суһаллык ылыахтара. Маннык сорудаҕы Ил Дархан ыксаллаах быһыыны-майгыны сэрэтэргэ уонна суох оҥорорго, баһаартан сэрэхтээх буолууга хамыыһыйа мунньаҕар туруорда.
Дьокуускайдааҕы күнү-дьылы кэтээн көрөр метеосулууспа начаалынньыгын солбуйааччы Татьяна Маршалик ааспыт түүн Үөһээ Бүлүү улууһугар балачча ардаабытын, Бүлүү хаҥас биэрэгиттэн ураты, Ленскэйгэ эмиэ түспүтүн, Бүлүү, Ньурба, Сунтаар улуустарыгар, Өлүөхүмэҕэ эмиэ кыратык да буоллар самыырдаабытын иһитиннэрдэ. Оттон бу күнү быһа Горнайга, Бүлүүгэ, Намҥа, Кэбээйигэ, Усуйаанаҕа, Дьааҥыга, Өлөөҥҥө ардаабыт.
Ил Дархан кыратык ардаабыт сирдэргэ баар баһаардарга үлэни күүһүрдэн бохсо охсорго, оттон күүстээх ардахтар түспүт сирдэригэр уоту умуруорарга соруйда.
—Саҥа улахан баһаар тахсыа суохтаах. Сыалбытын-сорукпутун онно туһаайабыт. Сезон саҕаланыаҕыттан уустук балаһыанньалаах улуустар бааллар, холобур, Өлүөхүмэ улууһа. Кэнники нэдиэлэҕэ уустугурбут Үөһээ Бүлүү уонна Дьааҥы улуустарыгар, чугастааҕы күннэргэ балаһыанньаны төрдүттэн көннөрөр кыах баар. Бары итинник соругу туруорунабыт, — диэн Ил Дархан сыал-сорук туруорда.
Саха сиригэр ардах түһүүтүн зондировщик салгын ааллара күүһүрдэллэр. Холобур, Росгидромет «Метео» Як-40 салгын аала бүгүн Бүлүү уонна Үөһээ Бүлүү улуустарыгар үлэлээтэ. Салгын аала түүн ардахтан мэлийбит Бүлүү хаҥас биэрэгэр ардаҕы түһэрэргэ үлэлээтэ. «Полярные авиалинии» АХ «Атмосфера» Ан-26 салгын аала Дьааҥыга үлэлээтэ. Чугас баһаар буола турар сиригэр Сайдыыга ардаҕы күүһүрдэргэ.
Суһал ыстааптан нэдиэлэ бастакы күнүгэр киэһээҥҥи иһитиннэриинэн, Саха сиригэр 134 ойуур баһаара уонна 1 ландшафтнай баһаар бэлиэтэнэр. Суукка саҕаланыаҕыттан 2 саҥа баһаар көстүбүт. Биир умуруоруллубут. Нэһилиэнньэлээх пууннарга уонна экэниэмикэ эбийиэктэригэр куттал суоһаабат.
Уоту умуруорууга 1800-тан тахса киһи үлэлиир, 200 кэриҥэ тиэхиньикэни туһаналлар. 20-тэн тахса борт ойууру кэтээн көрүүгэ, уоту умуруорууга уонна эбии күүстэри тиэрдиигэ үлэлииллэр. Маны сэргэ, Саха сиригэр үс Бе-200 амфибия салгын ааллара хаалан үлэлииллэр.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, СИА
Ыам ыйын 11 күнүгэр «Саханефтегазсбыт» АУо Усть-Кут куоракка «Петр Бекетов» бастакы суудунаҕа уматыгы тиэйэн, Ленскэй…
Саха режиссердара Степан Бурнашев уонна Дмитрий Давыдов Каннатааҕы бэстибээл чэрчитинэн ыытыллар Producers Network бырагыраамаҕа кыттыахтара.…
От ыйын 4-5 күннэригэр Нерюнгри оройуонугар аан бастаан өрөспүүбүлүкэтээҕи Олоҥхо Ыһыаҕа ыытыллыаҕа. Суолталаах тэрээһин "Ытык…
Саха сиригэр бэс ыйын 8 күнүттэн үгэскэ кубулуйбут «Северное сияние» саахымакка улахан бэстибээл саҕаланар. Ону…
Бүгүн Ньурба улууһун иһитиннэрэр-биллэрэр тиһиктэрин үлэһиттэрэ улуус салалтатын кытта көрсөн, олоҕу-дьаһаҕы сырдатыы үлэтин сүбэлэстилэр. Бу…
Быйыл Саха сиригэр 4500 устудьуон этэрээтин байыастарын үлэнэн хааччыллыахтара. Кинилэр тутууга, иитиигэ, тыа хаһаайыстыбатыгар, өҥө…