“Серебряный лучник” – Дальний Восток XIII эрэгийиэннээҕи бириэмийэ финалистара билиннилэр

Уһук Илин Федеральнай уокуругуттан коммуникация эйгэтигэр 16 бырайыак “Серебряный лучник” – Дальний Восток XIII эрэгийиэннээҕи бириэмийэ шорт-илииһигэр киирдэ.

Олунньу 27 күнүгэр бырайыактары кэлэн көмүскүөхтэрэ. Финалга 2023 сылга Хабаровскай уонна Приморье кыраайдарыгар, Саха Өрөспүүбүлүкэтигэр, Амур уонна Еврейскэй автономнай уобаластарга олоххо киирбит коммуникационнай бырайыактар киллэриллиэхтэрэ.

Хабаровскай кыраайтан элбэх бырайыак киирбитэ билиннэ. Куонкурус түмүктүүр түһүмэҕин Хабаровскайга Тихоокеанскай судаарыстыбаннай университекка ыытыахтара.

“Эрэгийиэннээҕи бириэмийэ финала уопсастыбаннай сибээһи сайыннарарга бэртээхэй былаһаакканан буолар. Онон бириэмийэ шорт-илииһигэр киирбит хас биирдии бырайыак — кыайыылаах”, — диэтэ  дьүүллүүр сүбэ бэрэссэдээтэлэ, РФ Судаарыстыбаннай Дууматын туризмҥа эспиэртиир сэбиэтин чилиэнэ Владислав Шулаев.

“Корпоративные коммуникации” номинацияҕа киирдилэр:

“Диджитал-сериал “Вахтовый метод” – Nordgold, Москва;

“Корпоративное издание ELGA LIFE»- ХЭУо “УК “Эльга”, Москва;

“Формирование имиджа корпоративно-инвестиционного блока Дальневосточного банка в социальных сетях Сбера” – Дальневосточный банк ПАО Сбербанк, Хабаровскай;

“Эльга раскрывает карты” ХЭУо  “УК “Эльга”, Москва.

“Судаарыстыбаннай уонна уопсастыбаннай бырагыраамалары хамсатыы” номинацияҕа “Цифровой Алмаз” – Якутия” сыл аайы ыытыллар федеральнай пуорум киирдэ ( “Саха Өрөспүүбүлүкэтин сайдыытын корпорацията” АУо) .

“Сирдэри-уоттары сайыннарыы уонна киэҥник сырдатыы” номинацияҕа Саха Өрөспүүбүлүкэтин Инновация пуондатын Арктикатааҕы стартап-эспэдииссийэтэ ааттанна.

“Култуура уонна киэҥник сырдатар бырайыактар” номинацияҕа “Саха сирин кыһынын туһунан кылгас метражтаах 3D мульткиинэлэр кэллиэксийэлэрэ” диэн бырайыагынан Дьокуускайтан “Туундара” анимация устуудьуйата киирдэ.  Онон, Саха сирин бэрэстэбиитэллэрэ номинацияларга ааттаммыттара хайҕаллаах.

Шшорт-илиискэ киирбит бырайыактар ааптардара олунньу 27 күнүгэр Хабаровскайга түмсүөхтэрэ.