Салгыы
«Серебряный старт» бырагырааманан биэнсийэлээх дьахтар субсидия ылары ситистэ

«Серебряный старт» бырагырааманан биэнсийэлээх дьахтар субсидия ылары ситистэ

Ааптар:
18.10.2025, 14:05
Хаартыска: sakha.gov.ru
Бөлөххө киир:

 Дьокуускайга аҕа саастаах көлүөнэ дьон бэйэлэрин дьыалаларын арыйалларыгар эбэтэр сайыннаралларыгар туһуламмыт «Серебряный старт» федеральнай бырагыраама эрэгийиэннээҕи түһүмэҕэ түмүктэннэ.

Бырайыак кыайыылааҕынан Дьокуускай куораттан сылдьар Татьяна Полятинская «Интерьер маллара – нэһилиэстибэ инновацията» бырайыагынан буолла. Тэрээһин алтынньы 8 күнүттэн 17 күнүгэр диэри Дьокуускайга ыытылынна. Онно Горнай, Хаҥалас, Үөһээ Дьааҥы, Муома улуустарыттан уонна Дьокуускай куораттан 25 киһи кытынна. Үөрэх кэмигэр үөрэтэр сэминээрдэр, маастар-кылаастар, дьыалабыай сырыылар уонна биисинэс өйөбүлүн институтун бэрэстэбиитэллэрин уонна ситиһиилээх урбаанньыттары кытта көрсүһүүлэр буоллулар. Күн устата кыттааччылар бэйэлэрин бисинэс-бырайыактарын дьүүллүүр сүбэ иннигэр көмүскээтилэр.

Туризм, оҥорон таһаарыы, мэдиссиинэ, пиэрмэр буолуу, уус-уран ускуутуба уонна да атын эйгэлэргэ бырайыактар билиһиннэрдилэр.

«Серебряный старт» бырагыраама РФ Бэрэсидьиэнэ Владимир Путин көҕүлээбит «Көдьүүстээх уонна күрэстэһэр кыахтаах экэниэмикэ» национальнай бырайыагын сыалларыгар уонна соруктарыгар сөп түбэһиннэрэн олоххо киирээр. РФ Бэрэсидьиэнин көҕүлээһиннэринэн Саха сиригэр дьоҕус уонна орто биисинэс күүскэ сайдар, гражданнар бэйэлэрин сайыннаралларыгар уонна кинилэр урбааннарын көхтөөх буолуутун үрдэтиигэ усулуобуйалар тэриллэллэр.

Тэрээһин үөрүүлээх сабыллыытыгар кыттааччылары Урбаан, эргиэн уонна туризм миниистирин бастакы солбуйааччыта Максим Карбушев эҕэрдэлээтэ. Кини бэйэтин тылыгар аҕа саастаах гражданнары дьыалаларын сайыннарарга көҕүлээһин уонна өйөөһүн суолталааҕын бэлиэтээтэ.

«Грант хаһаайына буолбатаххыт да буоллар, эһиги онтон ордугу – билиини уонна туһалаах билсиилэри ыллыгыт. Эһиги биир санаалаахтар кулууптарын тэрийдигит. Бырагыраама бэйэлэрэ дьыалаларын тэринэргэ бэлэм, көхтөөх уонна көҕүлүүр дьон түмсүүтүн үөскэттэ», — диэн Максим Карбушев бэлиэтээтэ.

Көмүскээһин түмүгүнэн 150 тыһыынча солкуобай суумалаах граны Дьокуускайтан сылдьар дизайнер Татьяна Полятинская ылла. Кини дьүүллүүр сүбэ көрүүтүгэр «Интерьер маллара – нэһилиэстибэ инновацията» бырайыагын киллэрдэ. «Миэхэ бырагыраамаҕа кыттыы саҥа кэрдиис кэмнэри арыйарга, баҕа санаабын олоххо киллэрэргэ уонна наадалаах киһинэн сананарга дьиҥнээх кыах буолла. Кыайыы инники диэки баран иһэргэ уонна толкуйдаабыт бырайыактарбын олоххо киллэрэргэ кынаттыыр», — диэн Татьяна Полятинская санаатын үллэһиннэ.

«Мой бизнес» киин анал бирииһэ 76 саастаах бырайыак саамай аҕа саастаах кыттааччытыгар Анна Никифороваҕа туттарылынна. Кини «Эко-бородууксуйаны ыларга тиит хатырыгын туһаҕа таһаарыы» бырайыагын көрдөрдө.

Бары сонуннар
Салгыы
18 октября
  • -4°C
  • Ощущается: -7°Влажность: 74% Скорость ветра: 2 м/с

Сообщить об опечатке

Текст, который будет отправлен нашим редакторам: