Хаартыска: PxHere
Сайыҥҥы сылаас күннэрбит сатыылаан эрэллэр. Айылҕа уһуктуутун кытта ойуур үөннэрэ эмиэ уһукталлар. Ол иһигэр, “клещевой паралич”, туляремия, клещ энцефалита, Лайма ыарыыта, моноцитарнай эрлихиоз уонна ымынахтаах тиип курдук кутталлаах сыстыганнаах ыарыылары көбүтэр клещтэр.
Ыарыы содулуттан баралыыстыыр эбэтэр өлөр куттал баар. Сыстыы бастакы бэлиэлэрэ клещ ытырбытын кэннэ икки хонугунан эбэтэр хойут да биллиэхтэрин сөп. Өскөтүн клещкэ ытыттардаххына, үөнү бэйэҥ ыла сатаама. Тоҕо диэтэххэ, тириигэр кини тумса хаалыан сөп. Суһаллык мэдиссиинэ чугастааҕы тэрилтэтигэр кэлэн, бырааска ыллаттарыахха наада. Ону таһынан эмсэҕэлээбит киһиэхэ, урут быһыы ылбатах буоллаҕына, хайаан да клещ энцефалитын утары иммуноглобулин биэрэллэр.
Өрөспүүбүлүкэтээҕи 2 №-дээх балыыһа-Суһал мэдиссиинискэй көмө киинин травпуунун чахчытынан, быйыл муус устартан бу күҥҥэ диэри клещ ытырбыт 7 түбэлтэтэ бэлиэтэннэ.
Былырыын, 2022 сыллаахха муус устартан атырдьах ыйыгар диэри 39 киһи көмө көрдөөн кэлбитэ.
Травпуун быраастара ойуурга бараргытыгар сөпкө таҥнарга сүбэлииллэр. Ыстааҥҥытын бачыыҥкаҕыт эбэтэр саппыкыгыт иһигэр симтиҥ, уһун сиэхтээх ырбаахыта кэтиҥ уонна төбөҕүтүгэр бэргэһэ, былаат баанаргытын умнумаҥ. Клещ киирбитин тута бэлиэтии көрөр курдук, таҥаскыт сырдык буолуохтаах. 10-15 мүнүүтэ буола-буола таҥаскытын бэрэбиэркэлэниҥ. Клеһи уонна үөнү-көйүүрү куттуур араас сириэстибэлэринэн ыстарыаххытын сөп. Ойууртан кэлэн баран таҥаскытын устан, эккитин-сииҥҥитин өссө төгүл үчүгэйдик көрүнүҥ.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…