Сэрэниҥ, түөкүттэр!

Түөкүттэр араас албаһы толкуйдаан, дьону албыннарыгар киллэрэн иһэллэр!

Ааспыт нэдиэлэҕэ тоҕус киһини угаайыларыгар киллэрбиттэр. Ол түмүгэр, уопсайа  8 672 943 солк. суйдаабыттар.

«Инвестиция» схеманан түөрт киһини албыннаан, 7 мөл. тахса солк. ылбыттар, эмсэҕэлээбиттэр ортолоругар икки биэнсийэлээх, лаборант уонна бэйэтэ дьарыктаах киһи бааллар.

Маркетплейс сымыйа үлэһитин кытта кэпсэтэн баран, кини угаайытыгар устудьуон киирэн биэрбит (115 850 солк.), Госуслуга уонна ФСБ үлэһитэ аатыраннар пиццерия үлэһитин албыннаабыттар (415 793 солк.), атын сыһыарыыны хачайдаан бэйэтэ дьарыктаах киһи харчытын уордарбыт (183 725 солк.), «Интэриниэт» ситиминэн спецтиэхиньикэ ылаары буҕаалтар харчытыттан мэлийбит (719 910 солк.), валютаны уларытаары оробуочай эмиэ албыннаппыт (175 000 солк.).