Өйдөтөр, сүбэлиир бэсиэдэлэри оҥороллор

Түөкүттэр араас албастарыгар киирэн биэримэҥ диэн өйдөтөр, сүбэлиир бэсиэдэлэри Дьокуускайга полиция үлэһиттэрэ тиһиктээхтик оҥороллор.

Бэҕэһээ ХИФУ автодорожнай факультетыгар уонна педагогическай институкка преподавателлэри, 1-5 кууруска үөрэнэр ыччаттары көрүстүлэр. Түөкүттэр араас албастары тутталларын, онтон хайдах көмүскэниэххэ сөбүн туһунан кэпсээтилэр, быһаардылар.

Маны таһынан, полиция үлэһиттэрэ устудьуоннар ханна баҕарар бэрээдэктээхтик сылдьалларыгар сүбэлээтилэр. Устудьуоннар, преподавателлэр бэсиэдэҕэ көхтөөхтүк кытыннылар, ыйытыыларыгар хоруйдары ыллылар, сүбэлэттилэр-амалаттылар.

Полиция үлэһиттэрэ сэрэтэр-өйдөтөр, сүбэлиир-амалыыр үлэлэрин Дьокуускайга үөрэх тэрилтэлэригэр салгыыллар.

СӨ ИДьМ пресс-сулууспата