Сэрэниҥ, түөкүттэр!: Өрөспүүбүлүкэ 15 олохтооҕо 10 мөл.солк. тахса харчытын албыннатта

Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын уопсай суумата 10108491 солк. тэҥнэстэ.

Түөкүттэр албыннарыгар киирэн биэрдилэр — 3 биэнсийэлээх, 3 үлэтэ суох киһи, мэдиссиинэ үлэһитэ, учуутал, устудьуон, оробуочай, экэнэмиис уо.д.а.

ФСБ, ИДьМ , РФ Киин Баанын, Росфинмониторинг, Энергосбыт, Биэнсийэ пуондатын, суотабай сибээс операторын, мэдиссиинэ тэрилтэтин диспетчерэ кубулунан сымыйанан ааттанан эрийии уонна иһитиннэрии түмүгэр 8 эмсэҕэлээччи 7,2 мөл. солк. тахса суума харчыларын сүтэрдилэр.

«Инвестицияҕа» харчы үлүннэрэн ылыынан 4 киһиттэн 2,1 мөл. солкуобайтан тахса харчыны уорбуттар.

Харчы сүтэриитэ маны таһынан маннык түгэннэргэ бэлиэтэннэ: оонньууга валюта атыылаһарга (488 157 солкуобай), интим-өҥөнү сакаастыырга (113 500 солкуобай), хамсаабат баайы-дуолу атыылыыр сыһыарыынан үлэлииргэ (74 360 солкуобай).

Нэдиэлэ иһигэр саамай улахан суумалаах хоромньу – 2 800 000 солкуобай «Биэнсийэ пуондатын үлэһитэ эрийэр» ньыматыгар бэлиэтэннэ.

Сэрэхтээх буолуҥ, түөкүттэр албастарыгар киирэн биэримэҥ!