Сэрэниҥ! Түөкүттэр тохтууру билбэттэр

Ыраахтан олорон түөкүннээһин тохтообот. Биир нэдиэлэ иһигэр Нерюнгри олохтоохторуттан 4 800 000 тахса сууманы «үктэтэн» ылбыттар.

159 ыст. 4 ч. холуобунай дьыала тэриллибит. Биллибитинэн, эмсэҕэлээччилэртэн биирдэстэригэр икки нэдиэлэни быһа билбэт дьоно  ФСБ, СК үлэһиттэрэ аатыран төлөпүөннээбиттэр. Эмсэҕэлээччи аатыгар кирэдьиит ыла сатыыр уонна ону Арассыыйа таһыгар ыытаары гынар дьон баарын туһунан эппиттэр.

Эмсэҕэлээччи харчытын сүтэрэриттэн куттанан, төлөпүөннээччилэр «сэрэтэн» дьаныһыыларынан, куорат хас да бааныттан кирэдьиит ылбыт. 950 000, 920 000 уонна 200 000 солк. харчыны. Бу ылбыт харчытын бэйэтэ мунньуммут 1 300 000 солк. кытары «МирПей» сыһыарыынан түөкүттэр счеттарыгар ыыппыт. Ол түмүгэр эмсэҕэлээччи 3 370 200 солк. мэлийбит.

Итинник ньыманан түөкүттэр куорат 30 саастаах олохтооҕун эмиэ албыннаан, 1 500 000 солк. олордон ылбыттар.

Билигин силиэстийэ ыытыллар. Борокуратуура хонтуруолга тутар.