Сэрэниҥ: Түөкүттэр угаайылара үгүс

Ааспыт нэдиэлэҕэ өрөспүүбүлүкэ 23 олохтооҕо уопсайа 10,5 мөлүйүөн солкуобайдаах харчытын  түөкүттэргэ  «ууран» биэрдэ. 

4 биэнсийэлээх, 5 эмчит, 2 буҕаалтыр, 2 иитээччи, 2 устудьуон, 1 үлэтэ суох,  1 преподаватель — ити курдук албыҥҥа түбэспит дьону киһи ааҕа туруох курдук. 4 түбэлтэҕэ  «ФСБ» уонна «Центробаан»  үлэһитэ  буолан кубулунан,  түөкүттэр  7 156 000 солкуобайы киллэриммиттэр. 5 түбэлтэ — «инвестицияҕа ыытыы» буолбут (807 427  солк.), 4 — мессенджердэри алдьатан киирбиттэр (121 тыһ. солк.).  4 — саайтка уонна социальнай ситимнэргэ атыы-эргиэн тэрийбитэ буолуу (1 301 186 солк.). 3 — аймаҕа суол саахалыгар түбэспитин туһунан иһитиннэрэн (710 тыһ. солк.).  1 түбэлтэ — оҕону телеграм-ханаалга  саататар оонньууга киирэн  олордоҕуна албыннаабыттар. Ити курдук,  түөкүттэр  угаайылара  үгүс.

Сэрэниҥ, харыстаныҥ, чугас дьоҥҥутун сэрэтиҥ!