«Сэргэ» олохтоохторо субуотунньуктаатылар

Дьокуускай куоракка уруккута Автодорожнай уулусса быйылгыттан Михаил Николаев аатын сүгэр. «Сэргэ» комплекска олорооччулар сандал сааһы көрсө уопсай субуотунньукка кыттар үтүө үгэстээхпит.

Биһиги олорор дьиэбит биир ойоҕоһо ипподрому кытта сэргэстэһэ турар. Кэлэ-бара дьэбин сиэбит, онон-манан сууллан сытар күрүөнү хаар уулларын кытта, бэрт кылгас бириэмэҕэ ыраастааһын, саҥардан оҥоруу, өрө көтөҕүү үлэтэ ыытылынна. Олорор сирбитин-уоппутун ыраастыы, көрө-истэ сылдьарбыт санаабытыгар да үчүгэй.

Ол туһунан уһуну-киэҥи дойҕохтуу барбакка, араас кэмнэргэ ааһан иһэн хаартыскаҕа түһэрбит түгэннэрбиттэн ыытабын.

Августина Хабарова,

Дьокуускай.

Хаартыскаларга ааптар түһэриитэ