Хаартыска: Мария Буслаева тиксэриитэ
Нэһилиэк түмэлин үлэһиттэрин көҕүлээһиннэринэн Пионерия күнүгэр аналлаах үгэскэ кубулуйбут сэргэх
тэрээһин буолан ааста.
Бу дойду үрдүнэн бэлиэтэнэр күнү Бүлүү куоратыгар олорор биир дойдулаахпыт Софья Мартыновна Саввинова иилээн — саҕалаан ыытта.
«Мэлдьи бэлэммит !» мэктиэ тыллаах, горн, барабаан ньиргиэрдээх, кыһыл хаалтыстаах, олорбут олохпут историятын батыһан, санаа ыыра оҥостубут, ыраах хаалбыт оҕо сааспыт күөҕүнэн тэлгэммит, күн көмүс утаҕа ыһыллыбыт ыллыгын устун хаамтыбыт. Ахтылҕаннаах, дьоллоох оҕо сааспыт пионерияны кытта сибээстээҕиттэн киэн тутуннубут. Пионер кэккэтигэр киирбит, ыйбыт сырдык суолун тутуспут умнуллубат кэммитин ахтан-санаан аастыбыт.
Истиҥ эйгэлээх түмэлгэ оччотооҕу ырыабыт дуорайа көттө. Сүрэхпитин сылааһынан угуттуур умуллубат уоттаах кутаа тула олорор курдук сананныбыт. Билиҥҥи сааспыт үрдүттэн көрдөхпүтүнэ, чахчы даҕаны үтүө кэмнэр ааспыттар эбит …
Дьикти түгэни бэлэхтээбиккитигэр тапталлаах түмэлбит үлэһиттэригэр Галина Николаевнаҕа, Мария Геннадиевнаҕа, ыалдьыппытыгар Софья Мартыновнаҕа улахан махтал!
Мария Буслаева,
Чочу, Бүлүү.
Хаартыскалар уонна видео ааптар тиксэриилэрэ.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…