«Муус Хайа» эрэстэрээҥҥэ Дьокуускай куоракка бэрт сэргэх тэрээһиҥҥэ сырыттым.
Тэрээһини «Саха сүөһүтэ» хааһына (тэрилтэ салайааччыта Александр Еремеевич Артемьев) тэрийбит. Улуустартан кэлбит ыалдьыттар, улуус аҕа баһылыктара истиҥ эҕэрдэлэрин тиэртилэр. Кыыл Уола — С.Зверев аатынан национальнай үҥкүү тыйаатырын аркыастырын иһинэн тэриллибит «Кыл Саха» ансаамбыл сахалыы тыыннаах муусуканы оонньоон иһитиннэриитэ мустубут ыалдьыттар сүргэлэрин уратытык көтөхтө.
Саха сүөһүтүн дэлэтиигэ үгүс сыраларын биэрбит дьоҥҥо СӨ бырабыыталыстыбатын бэрэссэдээтэлин солбуйааччы Михаил Никифоров дохсун ытыс тыаһыгар доҕуһуоллатан наҕараадалары туттарда итиэннэ эҕэрдэ тылларын тиэртэ. Маны сэргэ, СӨ Тыа хаһаайыстыбатын министиэристибэтин уонна «Саха сүөһүтэ» хааһына аатыттан салайааччылар истиҥ эҕэрдэлэрин эттилэр. Ырыаһыттар үөрүүлээх тэрээһини ситэрэн-тупсаран, киэркэтэн биэрдилэр.
Баай-талым астаах-үөллээх сандалы тула туран ыалдьыттар санааларын үллэһиннилэр, үөрүүлэрин үксэтистилэр, ас-үөл мааныта, арааһа тардыллыбытын сөҕө-махтайа бэлиэтээтилэр. Тэрээһиҥҥэ өссө биир уратынан, тута атыылааһын (аукцион) буолла. Кэлбит ыалдьыттар көхтөөхтүк кыттан, сибиэһэй эти, хартыыналары бэрт түргэнник, хамаҕатык ыллылар. Бэлиэтээн этиэм этэ, өр сылларга саха сүөһүтүн дэлэтиигэ сыратын биэрбит, тустаах хааһына сүрүн исписэлииһэ, киэҥ билиилээх-көрүүлээх биир дойдулааҕым, Горнай улууһун Маалтаанытыттан төрүттээх Степан Заровняев аукциону үрдүк таһымнаахтык ыытта.
Бу үөрүүлээх киэһээни өссө тэтимирдэн уонна дьону-сэргэни сэргэхситэн, билиэттэр нүөмэрдэринэн сүүйүүлээх оонньуу ыытылынна. Саха аһын эгэлгэтин дьон-сэргэ билиэтигэр сүүйэн астынна. Түгэнинэн туһанан, дьоро киэһээ бары наҕараадаламмыттары, сүүйүүлээхтэри эҕэрдэлиибин.
Түмүкпэр баҕарыам этэ, саха норуота үйэлэртэн үйэлэргэ илдьэ кэлбит хороҕор муостааҕын өссө дэлэтэригэр. Оттон сахалыы астаах-үөллээх остолобуой куоракка элбииригэр. Махталбын тиэрдэбин бу тэрээhини тэрийбит «Саха сүөһүтэ» хааһына салайааччытыгар А.Е.Артемьевка уонна бу тэрилтэ бары үлэhиттэригэр.
Александр Алексеев,
РФ уонна СӨ култууратын үтүөлээх үлэһитэ, Горнай улууһун бочуоттаах олохтооҕо,
С.А.Зверев — Кыыл Уола аатынан национальнай үҥкүү тыйаатырын дириэктэрэ
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…