Сергей Черкашин: “Норуокка чугас буолуохха наада”

Share

“Норуокка чугас буолуохха наада.  Ол иһин, мин айанныыр кэмнэрбэр нэһилиэнньэни кытары кэпсэтэбин, кинилэр ыйытыыларын уонна этиилэрин болҕомтолоохтук истэбин”, — диэн Уус Алдан улууһун Оройуоннааҕы киин балыыһатын кылаабынай бырааһа Сергей Черкашин санаатын үллэстэр.

Чахчыта да, нэһилиэнньэни кытары аһаҕастык кэпсэтии олус улахан суолталаах. Тоҕо диэтэххэ, быраастар эмтэнээччилэрин доруобуйаларын туһугар үлэлииллэр.

Ааспыт нэдиэлэҕэ Уус Алдан улууһун Оройуоннааҕы киин балыыһатын сэдэх идэлээх исписэлиистэрэ: терапевт, лор, эндокринолог, педиатр, УЗИ-быраастара ыраах сытар Түүлээх сэлиэнньэтин олохтоохторун доруобуйаларын көрдүлэр.

Терапевт уонна УЗИ-быраастар доруобуйаларынан хааччахтаах 6 киһини дьиэлэригэр тиийэн көрдүлэр. Быраастарга  уопсайынан 125 киһи сырытта. Ону таһынан Бээрийэ сэлиэнньэтигэр эмиэ үлэлээтилэр.

Манна Сергей Гаврильевич нэһилиэнньэни кытары көрүстэ. Сэдэх исписэлиистэргэ хайдах суруйтарар, эндопротезированиеҕа былааннаммыт эпэрээссийэлэргэ хайдах ыыталларын уо.д.а. элбэхтик ыйыталлар.

Быраастар нэһилиэнньэ доруобуйатын бэрэбиэркэлээбиттэрин түмүгүнэн, 7 киһини эбии чинчийиигэ, 8 киһини тустаах быраастартан сүбэ-ама ыларга ыыттылар. Ону сэргэ 15 киһи диспансеризацияны ааста.

Балыыһа кылаабынай бырааһа ыраах сытар Өнөр, Тулуна, Танда, Түүлээх сэлиэнньэлэригэр тэрилтэлэргэ эмиэ сырытта. Кини олохтоохтор көрдөһүүлэрин иһиттэ уонна ыйытыыларга хоруйдаата.

Танда сэлиэнньэтигэр быраас амбулаториятыгар эмтэнээччилэри кытары көрсүүһүүгэ Арассыыйа Үлэҕэ Дьоруойа Михаил Готовцев кытынна. Михаил Михайлович бэйэтин этиилэрин киллэрэн баран, Сергей Гаврильевичка үлэтигэр ситиһиилэри баҕарда.

Ити курдук, улуус доруобуйатын харыстабылыгар ааспыт нэдиэлэ тэтимнээхтик уонна үтүө түмүктээх ааста. Таһырдьа төһө -53 тымныы турдар,  быраастар биргээдэлэрэ былаанын толордо.

Recent Posts

  • Байыаннай эпэрээссийэ
  • Сонуннар
  • Уопсастыба

Намҥа байыаннай дьайыы бэтэрээннэригэр корнхолга турнир ыытылынна

Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…

19 минут ago
  • Сонуннар
  • Уопсастыба

Улуустар икки ардыларынааҕы оптуобус сырыыта тохтотулунна

Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар  муниципалитеттар икки ардыларынааҕы оптуобус сырыыта быстах…

49 минут ago
  • Сонуннар
  • Уопсастыба

«Буратино» саҥа киинэ прокаттан 1,5 млрд солк. хомуйда

«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…

1 час ago
  • Интэриэһинэй
  • Сонуннар

КЭПСЭЭННЭ ИСТИЭҔИҤ: «Тайах оҕото» (аудио)

sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы  Ангелина Васильева-Дайыына  "Тайах оҕото"…

2 часа ago
  • Сонуннар
  • Уопсастыба

Саха сиригэр эми-тому атыылаһыыга көдьүүһүн үрдэтэргэ саҥа ньымалары киллэрэллэр

Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…

3 часа ago
  • Сонуннар
  • Уопсастыба

Полицейскайдар тыаҕа муммут уонна суолга хаайтарбыт ыалы быыһаабыттар

Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…

3 часа ago