Сергей Филиппов: «Көмөлөһөбүт, өйүүбүт»
Анал байыаннай эпэрээссийэҕэ сылдьар өрөспүүбүлүкэттэн ыҥырыллан барбыт байыаннай сулууспалаахтарга көмө, өйөбүл туһунан «СӨ тутууга бырайыактыыр докумуоннарга уонна инженернэй чинчийиилэргэ судаарыстыбаннай эспэртиисэни ыытар управление» АТ начаалынньыга Сергей Валерьевич Филиппов бу курдук кэпсээтэ:
— Биһиги «СӨ тутууга бырайыактыыр докумуоннарга уонна инженернэй чинчийиилэргэ судаарыстыбаннай эспэртиисэни ыытар управление» автономнай тэрилтэбит байыаннай сулууспалаахтарга көмө, өйөбүл оҥорор. Быстах хомуур кэмигэр тэрилтэбит өрөспүүбүлүкэ тутуутун эйгэтиттэн ыҥырыллан барбыт үлэһиттэргэ көмө оҥорон өйөөбүтэ. Ол курдук барыта 130 тыһыынча солкуобай харчынан хомуйан, хаста да аармыйа усулуобуйатыгар сөптөөх малы-салы, эми-тому ылан, ити гуманитарнай таһаҕаспытын тиксэртээбиппит.
Билигин кэлэктииппит Донецкай, Луганскай өрөспүүбүлүкэлэртэн, Херсонскай уонна Запорожскай уобаластартан Дьокуускайга кэлбит дьон быстах кэмҥэ олороллоругар көмөлөһөр. Турар бэйэлэрэ эрэ хаалбыт дьоҥҥо ханнык баҕарар көмө наада. Ол иһин тэрилтэбит бу дьоҥҥо аһынан-таҥаһынан, эминэн-томунан, туох наадалааҕынан көмөлөһөр эбээһинэһи ылыммыта.
Сообщить об опечатке
Текст, который будет отправлен нашим редакторам: