Хаартыска: Сергей Лавернов тус архыыбыттан.
Мэҥэ Хаҥалас улууһун норуотун маастара Сергей Лавернов байыаннай эпэрээссийэҕэ сылдьар биир дойдулаахтарыгар анаан куллука, оптическай приборга аналлаах хаа тикпит.
— Бу буола турар байыаннай дьайыыга дойдубуттан, Өлүөхүмэ улууһун Кыылаах нэһилиэгиттэн, Мэҥэ Хаҥалас улууһуттан билэр дьонум уонна Сунтаартан аймах уолум сылдьаллар.
Бэйэм ааппыттан туох эмэ туһаны аҕалбыт киһи диэн санааттан таҥас тигэбин. Бүгүҥҥү күн туругунан 50 паара кээнчэ, ардах хоппот матырыйаалынан аптамаат, бинтиэпкэ оптическай приборугар 50 устуука хаа (чехол) тиктим.
Бу таҥастарбын байыаннай эпэрээссийэҕэ 30 киһилээх таҥас тигэр бөлөх салайааччытыгар Ирина Егоровна Саввинаҕа туттарабын. Салгыы өссө да тигэр былааннаахпын, — диэн Мэҥэ Хаҥалас улууһун Аллараа Бэстээх бөһүөлэгин олохтооҕо Сергей Виссарионович кэпсиир. “Норуот күүһэ – көмүөл күүһэ” диэн маны этэн эрдэхтэрэ.
Байыаннай дьайыыга сылдьар биир дойдулаахтарбар кытаанах доруобуйаны, дойдуларыгар этэҥҥэ эргиллэн кэлэллэригэр баҕарабын диэн үтүө санаатын тиэрдэр.
Манна даҕатан эттэххэ, Сергей Виссарионович айылҕаттан тарбаҕар талааннаах, оҕо эрдэҕиттэн иистэнэр. “Саха сирэ” хаһыат ол туһунан суруйан турар.
Бүгүн, ахсынньы 17 күнүгэр, Айсен Николаев ыксаллаах быһыыны сэрэтэр, туоратар уонна баһаартан куттал суох буолуутун…
Дьокутааттар олоххо көхтөөх позициялаах, кими баҕарар кытта уопсай тылы булар, сэргэх дьоннор. Онон олорор нэһилиэктэрин,…
Өлүөхүмэ улууһун I Нөөрүктээйи нэһилиэгэр кыс ортото, Саҥа дьылы көрсө лыах тиллибит диэни истээт, хаһаайка…
Техникум устудьуонуттан харчыны күһэйэн ылыыга уорбаланар сааһын ситэ илик уол хаайылынна. Мэҥэ Хаҥалас улууһугар баар…
Дьокуускай куоракка Муниципальнай тэриллиилэр бэрэстэбиитэллээх уорганнарын, дьокутааттарын 3-с сийиэһэ буола турар. Сийиэс үлэтин чэрчитинэн, Ил…
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…