"Анадолу" сайтан
Арассыыйа тас дойдулары кытары үлэлэһэр миниистирэ Сергей Лавров олунньу 24 күнүгэр Турция Өрөспүүбүлүкэтигэр үлэлээтэ. Турция бэрэсидьиэнин Реджеп Тайип Эрдоганы, тас дьыалаларга миниистирин Хакан Фиданы кытары көрүстэ.
Сергей Лавров Турция бэрэсидьэинин кытары көрсүөн иннинэ миниистир Хакан Фиданы кытары кэпсэттэ. Бу туһунан РФ тас дьыалаларга министиэристибэтэ иһитиннэрэр.
Миниистирдэр кэпсэтиилэрин түмүгэр суруналыыстары кытары көрүстүлэр. Кэпсэтиилэригэр экэниэмикэ, атыы-эргиэн, энергетика, бырамыысыланнас, бэлиитикэ, о.д.а. боппуруостары таарыйбыттарын иһитиннэрдилэр. Санатан эттэххэ, бу иннинэ миниистирдэр Соҕуруу Африкаҕа Йоханнесбург куоракка олунньу 20 күнүгэр “Сүүнэ сүүрбэ” түмсүү тас дьыалалар миниистирдэрин көрсүһүүлэрин кэмигэр кэпсэтии ыыппыттара. Манна биир сүрүн тиэмэнэн Украина боппуруоһун ырытыыга туруорбуттара.
Олунньу 18 күнүгэр Саудовтааҕы Аравияҕа Арассыыйа уонна Америка Холбоһуктаах Штаттарын дэлэгээссийэлэрэ көрсөн, бииргэ үлэлэһиигэ бастакы далаһа уурсубуттара. Билигин икки дойду бэрэсидьиэннэрин көрсүһүүтүгэр үлэ барар турар. Манна үгүс дойду кэпсэтиини ыытыыга былаһаакка буоларга этиилэрин киллэрбиттэрэ. Ол иһигэр Турция эмиэ. Хакан Фидан пресс-конференция кэмигэр: “Турция икки дойду кэпсэтиилэрин ыытарга былаһаакка буоларга бэлэм”, — диэн иһитиннэрдэ.
Маны таһынан икки дойду миниистирдэрэ Аан Илиҥҥэ буола турар быһыыны-майгыны ырыттылар. Сергей Лавров Арассыыйа уонна Турция бу боппуруостарга биир санааҕа кэлбиттэрин бэлиэтээтэ. Ону таһынан көрсүһүү кэмигэр Сергей Викторович Анкараҕа Федерация Сэбиэтин бэрэссэдээтэлэ Валентина Матвиенко кэлэн, парламеннар таһымнарыгар үлэлэһиэҕин туһунан иһитиннэрдэ.
Күн иккис аҥаарыгар Арассыыйа миниистирин Турция бэрэсидьиэнэ Реджеп Тайип Эрдоган көрүстэ. “Көрсүһүү суруналыыстара суох сабыылаах ааста”, — диэн иһитиннэрэр Турция киин бэчээтэ.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …