Хаартыска СӨ Ил Дарханын уонна Бырабыыталыстыбатын саайтыттан
Олунньу 23 күнүгэр, Аҕа дойдуну көмүскээччи күнүгэр, СӨ Бырабыыталыстыбатын Бэрэссэдээтэлин солбуйааччы Сергей Местников инбэлииттэр өрөспүүбүлүкэтээҕи социальнай-чэбдигирдэр кииннэригэр байыаннай сулууспалаахтары кытары көрүстэ.
Ил Дархан Айсен Николаев ыйааҕынан ааспыт сыл бэс ыйыттан байыаннай эпэрээссийэҕэ кыттыбыт дьон бу кииҥҥэ доруобуйаларын көрдөрөллөр, чэбдигирдэллэр. Бырагыраама иитинэн байыаннай сулууспалаахтар манна социальнай, психологическай уонна мэдиссиинэ көмөтүн ылаллар. Бу эрготерапия, физиотерапевтическай эмтэнии, ЛФК, психолог, логопед дьарыктара бааллар. Маны сэргэ, эндокринолог, кардиолог о.д.а. көрөллөр.
Киин дириэктэрэ Асида Алексеева этэринэн, сүрүннээн манна контузияламмыттар, эмсэҕэлэбиттэр киирэллэр.
Сергей Местников процедурнайга уонна эмтиир хосторго сырытта. Физкултууранан дьарыктаналларыгар тренажердары, доруобуйаны чэбдигирдэргэ туһаныллар тэхиньиичэскэй тэриллэри көрдө, байыастары кытары сэһэргэстэ.
Байыаннай эпэрээссийэ кыттыылаахтара манна сытан төһө чэбдигирбиттэрин, туһаммыттарын, инники былааннарын кэпсээтилэр.
Сергей Местников бырабыыталыстыба аатыттан хорсун-хоодуот байыастарга махтанна уонна түргэнник үтүөрэллэригэр баҕарда.
СӨ Ил Дарханын уонна Бырабыыталыстыбатын пресс-сулууспата
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…
Сунтаар улууһугар ахсынньы 24 күнүгэр «Абаҕа» спортивнай комплекска хабылыкка уонна хаамыскаҕа 5-11 кылаас үөрэнээччилэригэр күрэхтэһии …
2025 сыл ахсынньы 28 күнүгэр олохтоох бириэмэнэн 22:18 чааска "Восточнай" космодромтан "Союз-2.1б" аракыата көтөрө былааннанар.…
Ил Дархан Айсен Николаев өрөспүүбүлүкэ парламеныгар туһаайыытыгар судаарыстыбаннай сиэктэр тиһигин үлэтин 1,5 төгүл түргэтэтэргэ сорудахтаата.…
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…