Дьулустан Сергеев хаартыскаҕа түһэриитэ, СИА
Дмитрий Коркин аатынан көҥүл тустууга норуоттар икки ардыларынааҕы турнир ыытыллар. Бу далааһыннаах тэрээһиҥҥэ 12 дойдуттан уонна Арассыыйа эрэгийиэннэриттэн түмсүөхтэрэ. Саха сирэ бу тэрээһиҥҥэ бэлэмнэнэр.
«Триумф» успуорт уораҕайыгар бэлэмнэнии үлэтин СӨ Бырабыыталыстыбатын Бэрэссэдээтэлин солбуйааччы Сергей Местников билистэ. Өрөспүүбүлүкэтээҕи спортивнай бэлэмнэнии киинин дириэктэрэ Михаил Пахомов салалтатынан манна турнирга бэлэмнэнэн улахан үлэ бара турар. Быйыл көрөөччүлэргэ улахан экран баар буолар, онно күрэхтэһии чаҕылхай түгэннэрин көрдөрүөхтэрэ, хатылыахтара. Бу үчүгэйдик көрөргө уонна дуоһуйа сынньанарга кыаҕы биэрэр.
Сергей Местниковка Дьокуускайга аан дойду, Европа уонна Азия чөмпүйүөннэрэ кэлэллэрин туһунан иһитиннэрдилэр. Бэлиэтээн эттэххэ, аан дойду чөмпүйэнээтин бастыҥ тустууктара А.Магомедов, А.Усманов, М.Курбанов, Э.Акматалиев, Т.Тувшинтулга уо.д.а. түһүлгэҕэ түмсэллэр. Бэлиэтээн эттэхэ, аан дойду чөмпүйэнээтин медалистара кытталларын бигэргэппиттэр.
Тустууну сөбүлээн көрөр дьоммутун Саха сирин сүүмэрдэммит хамаандатын лиидэрдэрэ үөрдүөхтэрэ. Лев Павлов, Константин Капрынов, Олег Фомин, Роман Николаев, Андриан Ленскэй, Ньургун Сергин, Никита Хабаров уо.д.а. баар буолуохтара. Сүүмэрдэммит хамаандаҕа 80 тахса олохтоох бөҕөс киирбитэ бэлиэтэнэр.
Тэрийээччилэр этэллэринэн, күрэхтэһиини арыйыы сиэр-туома эмиэ ураты, чаҕылхай буолуохтаах. Санатар буоллахха, Дмитрий Коркин аатынан норуоттар икки ардыларынааҕы турнир алтынньы 19-20 күннэригэр ыытыллар. Уон ыйааһыҥҥа кыайыылаахтар уонна призердар быһаарыллыахтара. Бастакы миэстэни ылбыттар 200 тыһ. солк. тутуохтара.
Дьулустана Сергеева хаартыскаҕа түһэриитэ, СИА
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…