Виктория Сергеева хаартыскаҕа түһэриитэ, СИА.
Бүгүн, атырдьах ыйын 7 күнүгэр, Дьокуускайга Саха сирин бастакы бэрэсидьиэнэ Михаил Николаевы кытта бырастыылаһаллар. Саха сирин бырабыыталыстыбатын бэрэссэдээтэлин солбуйааччы Сергей Местников өрөспүүбүлүкэ бэйэтин духуобунай бас-көс киһитин сүтэрбитин этэн туран, дириҥ кутурҕанын биллэрдэ.
“Биһиги элбэх нациялаах норуот духуобунай бас-көс киһитин сүтэрдибит. Өрөспүүбүлүкэ бары олохтоохторо кинини дойдуга саамай ыарахан сылларга туруктаах буолууну, өрөспүүбүлүкэ бигэ, бары олохтоохторун түмсүүлээх буолуутун хааччыйыбыт, ону тэҥэ экэниэмикэбит бары салааларын кимиилээх сайдыыга туһаайбыт киһинэн билэллэр. Кини салайар кэмигэр ылыллыбыт докумуоннар – өрөспүүбүлүкэ Төрүт Сокуона уонна судаарыстыбаннай суверенитет туһунан декларация, кини уонна Арассыыйа Бэрэсидьиэнэ Борис Ельцин илии баттаабыт федеративнай дуогабардара өрөспүүбүлүкэбит салгыы үүнүүтүн уонна сайдыытын тирэҕинэн буолбуттара”, — диэн бэлиэтээтэ Местников.
Бэрэссэдээтэли солбуйааччы этэринэн, Михаил Николаев тэрийбит бары предприятиелара уонна тэрилтэлэрэ билиҥҥэ диэри экэниэмикэ сайдыытын, бигэ туруктаах буолууну уонна нэһилиэнньэ дьарыктаах буолуутун хааччыйаллар.
“Кини тырааныспар, бырамыысыланнас, авиация, баан эйгэтин, ону тэҥэ чэпчэки уонна ас-үөл бырамыысыланнаһын тэрийбитэ. Итилэр бары үлэлииллэр уонна экэниэмикэ сайдыытыгар дьоһун кылааттарын киллэрэллэр. Мин Михаил Ефимович Николаев 30 сыл анараа өттүгэр тэрийбит Үүнэр көлүөнэ пуондатыгар үлэлээбитим. Мин киниттэн пуонда салгыы үлэлииригэр ыйыыны-кэрдиини, сүбэни да ылбытым. Бүгүн пуонда бэйэтин төрүттээччитэ Михаил Ефимович ыйбыт суолунан, бу Улуу киһи бэйэтин кэнниттэн хаалларбыт бары үчүгэйи уонна сырдыгы харыстаан уонна хаҥатан баран иһэрэ үөрдэр. Өрөспүүбүлүкэбит элбэх нациялаах норуотугар Михаил Николаев бу күн сириттэн суох буолбута – бу улахан уонна тугунан да толуйуллубат сүтүк”, диэтэ Сергей Местников.
Тиэкис: Мария Архипова.
Ленскэй оройуонун дьаһалтата иһитиннэрбитинэн, балаҕан ыйын 13 күнүгэр оройуон урукку баһылыга, "Арман" ХЭУо салайааччыта Жумарт…
Былатыан Ойуунускай аатынан Саха академическай тыйаатырын артыыһа Сандаара Федотова «сулустаах чааһа» «Саха» НКИХ аатырбыт «Уот…
Биир дойдулаахпыт 17 саастаах Артур Портнягин НТВ ханаалыгар «Ты супер!» биэриигэ кыттыаҕа. ЯСИА суруйарынан, Артур…
Бүгүн, балаҕан ыйын 14 күнүгэр, олохтоох бириэмэнэн сарсыарда 08:00 чаастан Нам улууһугар быыбардыыр учаастактар үөрүүлээхтик…
Өбүгэлэрбит күһүнү түөрт кэрчиккэ үллэрэллэрэ. Ол курдук, атырдах ыйын 14 күнүттэн балаҕан ыйын 14 күнүгэр…
Бүгүн, балаҕан ыйын 14 күнэ – Быыбар биир кэлим күнэ. Саха сиригэр 8 чаастан быыбардыыр…