Сергей Местников модульнай спортивнай саала тутуутун көрдө

Таатта улууһугар быйыл Манчаары спортивнай оонньуулара ыытыллар буолан, улуус киинигэр Ытык Күөлгэ уонна чугастааҕы нэһилиэктэргэ бөдөҥ спортивнай эбийиэктэр тутулла тураллар.

СӨ Бырабыыталыстыбатын Бэрэссэдээтэлин солбуйааччы Сергей Местников бүгүн Чөркөөх нэһилиэгэр тутулла турар модульнай спортивнай саала тутуутун билистэ. Тутуу матырыйаала барыта тиэллэн кэлбит. Ол эрээри кэккэ төрүөтүнэн үлэ тэтимэ бытаарбыт. Бырабыыталыстыба Бэрэссэдээтэлин солбуйааччы тутуу бэдэрээтчиттэрин кытта көрсөн, балаһыанньаны сиһилии билистэ. Салгыы бу тутуу хаамыыта болҕомтоҕо ылыллан, үлэ биллэ тэтимириэҕэ.