Хаартыска СӨ физическэй култууратын уонна успуордун министиэристибэтин пресс-сулууспатыттан
«Азия оҕолоро» норуоттар икки ардыларынааҕы спортивнай оонньууларга бэлэмнэнии үлэтэ тиһиктээхтик салҕанар.
СӨ Бырабыыталыстыбатын бэрэссэдээтэлин солбуйааччы Сергей Местников күрэхтэһиилэр ыытыллыахтаах эбийиэктэригэр сылдьан үлэ-хамнас хаамыытын көрдө.
«Туймаада» стадиоҥҥа ис өттүн былаана уларытыллыбыт, тырыбына өрөмүөннэнэн, дьон олорор сирэ оҥоһуллан, сүүрэр ыллык ууруллан бүппүт, 7*2 м. кээмэйдээх экран туруоруллубут. Аны, футболлуур хонууну, стадион уотун-күөһүн оҥоро сылдьаллар.
«Чолбон» сөтүөлүүр сиргэ таһынааҕы ситими, ититии ситимин өрөмүөннээһин үлэтэ түмүктэммит. Тротуар, аспаал саҥардыллыбыттар. Ааннар, душтанар сирдэр, таҥас уларыттар сиргэ ыскааптар уларытыллыбыттар. Билигин бастакы мэндиэмэни өрөмүөннүүллэр.
«Дохсун» успуорт комплексыгар футболлуур сиргэ бүрүөһүнүн уонна сүүрэр ыллыгы уларыппыттар. Таҥас уларыттар сири, душтанар хостору, муосталары, теннистиир сааланы, сыал ытар сири өрөмүөннээбиттэр. Хостор ааннара, өһүө уларыйбыттар. Билиҥҥи туругунан эбийиэк сирин-уотун тупсарыы үлэтэ ыытыллар, «Бочуот дуоската» туруоруллар, кирилиэһи өрөмүөннүүллэр
Сергей Васильевич үлэни түмүктүүргэ болдьоммут күн чугаһаабытын бэлиэтээн туран, биригээдэлэр ыйыллыбыт кэмигэр үлэни-хамнаһы бүтэрэллэригэр соруйда.
СӨ физическэй култууратын уонна успуордун министиэристибэтин пресс-сулууспата
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…