Сергей Местников Уус Алдаҥҥа өрөспүүбүлүкэтээҕи хамыыһыйа мунньаҕын ыытта

Уус Алдан улууһугар СӨ Бырабыыталыстыбатын бэрэссэдээтэлин солбуйааччы Сергей Местников биллиилээх судаарыстыбаннай диэйэтэл, спортивнай тэрийээччи Николай Тарскай үбүлүөйдээх тэрээһинигэр аналлаах өрөспүүбүлүкэтээҕи хамыыһыйа мунньаҕын ыытта. 

Мунньахха СӨ физическэй култуураҕа уонна спорка миниистирэ Леонид Спиридонов,  Уус Алдан улууһун баһылыга Василий Аммосов кытыннылар.  Сергей Местников бэлиэтээн эппитинэн, Ил Дархан Айсен Николаев Николай Тарскай төрөөбүтэ 100 сылыгар  аналлаах үбүлүөйүгэр аналлаах тэрээһиннэри ыытарга дьаһала тахсыбыта. Кини өрөспүүбүлүкэ социальнай-экэнэмиичэскэй сайдыытыгар оҥорбут өҥөтө сүҥкэннээхэй. Николай Тарскай үбүлүөйдээх сылыгар спортивнай, култуурунай, үөрэх тэрээһиннэрин сэргэ социальнай инфраструктураны сайыннарыыга туох-ханнык үлэлэр ыытыллаллара бигэргэтиллибит. Былааҥҥа Уу Алдан улууһун олохтоохторун этиилэрэ учуоттаныллыбыт. Бу туһунан сиһилии https://www.sakha.gov.ru/ саайтка киирэн билсиҥ.