Андрей Сорокин хаартыската, СИА.
Уопсастыбаннай бырайыактарга Арассыыйа бэрэсидьиэнин управлениетын начаалынньыга Сергей Новиков “Арассыыйа креативнай нэдиэлэтэ – Уһук Илин” форумҥа этиитигэр Саха сирэ креативнай индустрия сайдыытыгар түмүктэрин сыаналаата.
«Биһиги Уһук Илин уокуругун холобуругар эрэгийиэннэр үлэлэрин-хамнастарын көрөбүт. Айсен Николаевка саҥаны арыйыылар бааллар уонна кини атын саҥа арыйыылар диэки хайыы үйэ көрөр. Бу кинилэр оҥорбут улахан үлэлэрэ креативнай индустриялар эрэгийиэн сайдыытыгар улахан кылааты киллэрэллэрин туоһулуур”, — диэн Сергей Новиков бэлиэтээн эттэ.
Айсен Николаев уонна Сергей Новиков пуорум “Губернатор эрэгийиэн продюсерын быһыытынан” сессиятыгар кытыннылар.
Сергей Новиков Саха сирэ креативнай индустриялар сайдыыларыгар ситимнээх көрүүтүн эмиэ сыаналаата.
Саха сирэ Арассыыйаҕа эрэгийиэннээҕи нуорма-быраап актатын — өрөспүүбүлүкэ креативнай экэниэмикэтин сайдыытын кэнсиэпсийэтин бастакынан оҥорбута. Саха сирин “Үлэ кыбартаала” креативнай кластера урутаан иһэр улахан креативнай индустриялар былаһааккаларынан буолла. Өрөспүүбүлүкэтээҕи IТ-Паарка федеральнай уокурукка биир улахан. Былырыын Саха сирэ бастыҥ креативнай эрэгийиэнинэн ааттанан, «Russian Creative Awards» национальнай бириэмийэни ылбыта.
«Өскөтүн эрэгийиэҥҥэ креативнай индустрия бүтүн инфраструктурата тэрилиннэҕинэ, биһиги онно үүнүүнү-сайдыыны көрөбүт. Ол суох буоллаҕына, баахта бөһүөлэгэ эрэ буолуоҕа. Өскөтүн Саха сиригэр сылы быһа алмааһы хостууллара эрэ буоллар, туох да сайдыы суох буолуо этэ. Оттон биһиги өрөспүүбүлүкэ холобуругар Айсен Николаев салайар олох атын хартыынатын көрөбүт”, — диэтэ Сергей Новиков.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…