Хаартыска "Биир ньыгыл Арассыыйа" баартыйа пресс-сулууспаытттан
Бэҕэһээ, ыам ыйын 28 күнүгэр, Саха сирин олохтоох бириэмэтинэн, киэһэ 20.00 ч. барыллааһын куоластааһын түмүктэммитэ. Ыам ыйын 22-28 күннэригэр PG.ER.RU саайтка 90 034 киһи куоластаата.
Куоластааһын бүппүтүн кэнниттэн «Биир ньыгыл Арассыыйа» баартыйа Саха сиринээҕи исполкомугар Уһук Илин федеральнай уокурук тэрийэр кэмитиэтин кытары селекторынан мунньахтаата. Бэлиэтээн этэр буоллахха, барыллаан куоластааһын ыытыллыбыт дойду 55 эрэгийиэниттэн саамай элбэх быыбардааччы кыттыбыт икки эрэгийиэнэ – Саха сирэ уонна Бурятия буолла.
«Биир ньыгыл Арассыыйа» баартыйа Генсэбиэтин сэкиритээрин солбуйааччыта Сергей Перминов селектэрнэй мунньаҕы аһарыгар Саха сиригэр барыллаан куоластааһыҥҥа холооно суох элбэх киһи кыттыбытын бэлиэтээтэ.
«Маннык көрдөрүү хайдах ситиһиллибитин дьүүллэһэн көрдүбүт. Кэлиҥҥи сылларга өрөспүүбүлүкэҕэ цифровой профиль сайдарын туһугар улахан үлэ оҥоһуллара саарбаҕа суох. Мин тус бэйэм Айсен Николаевтыын кэпсэтэ сылдьыбытым, кини нэһилиэнньэ барыллаан куоластааһыҥҥа үрдүк интэриэстээҕин бигэргэппитэ», — диэн эттэ.
Оттон эрэгийиэннээҕи салаа исполкомун салайааччыта Руслан Платонов бэлиэтээбитинэн, бу барыллаан куоластааһын куоластааччыларга даҕаны, кыттааччыларга даҕаны аһаҕастык ыытылынна.
«Ил Дархан Айсен Николаев барыллаан куоластааһыҥҥа ханнык баҕарар киһи кыттыан сөп диэн бэлиэтээн турар. Куоластааһын көрдөрөрүнэн, аһаҕастык уонна чиэһинэйдик ааста. Цифровой эйгэ дьэҥкирдик көрдөрөр, ол иһин биһиги маннык үрдүк көрдөрүүнү ситистибит».
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…