Хаартыска улуус дьаһалтатын пресс-сулууспата
Уус Алдан Бороҕон нэһилиэгиттэн төрүттээх Сергей Петухов бэс ыйын 24-25 күннэригэр Москваҕа ыытыллыбыт «TruckDay International» норуоттар икки ардыларынааҕы ыарахан уйуктаах массыыналар быыстапкаларыгар бастаата диэн улуус дьаһалтатын пресс-сулууспата иһитиннэрдэ.
Сергей Викторович оҕо сааһыттан ыарахан уйуктаах массыыналары интэриэһиргиир. 2006 сылтан таһаҕаһы таһыыга бэйэ дьыалатын тэринэн үлэтин саҕалаабыта.
2019 сыллаахха Финляндияҕа ыытыллыбыт «Power Truck show» быыстапкаҕа Россияттан соҕотоҕун кыттыыны ылбыта. Бу быыстапкаҕа Европа араас муннуктарыттан сиэдэрэй оҥоһуулаах массыыналардаах дьон кыттыыны ылбыттара, «Сергей Петухов Саха сириттэн 11 000 км. айаннаан кэлэн, дьону-сэргэни сөхтөрдө» — диэн «Авторевю» сурунаал суруналыыһа Максим Чернявскай бэлиэтээбитэ. Сергей ол күрэххэ «За самую долгую дорогу» уонна «За стремление к победе» икки наҕарааданы ылбыта».
Быйыл Москва куоракка ыытыллыбыт «TruckDay International» норуоттар икки ардыларынааҕы күрэххэ Белоруссия, Казахстан, Латвия, Словакия дойдуларыттан 300-чэкэ массыына быыстапкаҕа турда.
Сергей бу быыстапкаҕа ыйтан ордук кэм иһигэр бэлэмнэнэн, кыттыыны ылла. «Саха сириттэн 9000 км айаннаан кэллим диэтэхпинэ соһуйаллар», — диэн санаатын үллэһиннэ.
Быыстапкаҕа массыына тас оҥоһуута сыаналанар, түмүк көрөөччүлэр уонна кыттааччылар куоластааһыннарынан тахсар. Онуоха биһиги биир дойдулаахпыт массыыната «Приз детских симпатий», «Лучший европейский грузовик до 10 лет», «Лучший европейский грузовик», «Лучший из лучших» уопсайа 4 номинацияҕа саамай элбэх куолаһы ылан, бастыыр чиэскэ тигистэ.
Биир дойдулаахпытын бу үрдүк ситиһиитинэн итиитик-истиҥник эҕэрдэлиибит диэн улуус дьаһалтатын пресс-сулууспата суруйар.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…