Хаартыска С. Яковлев тус архыыбыттан
Бу күннэргэ Арассыыйа бойобуой снайпиҥҥа федерацията тэрийиитинэн Москваҕа Арассыыйа Дьоруойа, «Эр санаа» үс уордьанын кавалера Виталий Шаповалов кэриэһигэр ырааҕы ытыыга Бүтүн Арассыыйатааҕы турнир буолан ааста.
Ытыыга күрэхтэһии Арассыыйа Сэбилэниилээх күүстэрин «Патриот» киинин байыаннай-патриотическай сынньалаҥ уонна култуура пааркатын баазатыгар ыытылынна. Снайпинг күрэҕэр 102 бэргэн ытааччы кытынна. Быйылгы күрэх уратытынан кыттааччылар түннүккэ, окуопаҕа, дьиэ үрдүгэр баар сыаллары, «Баба Яга» тииптээх дроннары ытыалаан суоһардылар, ону тэҥэ 500-2000 миэтэрэ тэйиччиттэн маскировкаламмыт сыаллары ытыалаатылар.
Төһө даҕаны күн-дьыл туруга мөлтөөтөр, ардах, тыал-күүс түстэр, Саха сирин тыйыс усулуобуйатыгар бэргэнник ытарга үөрэммит Чурапчы улууһуттан төрүттээх Сергей Яковлев күнүскү ытыыга «Б» кылааска быраата Василий Яковлев туруоран биэрбит 1600 м сыалын таба ытан кыайыы өрөгөйүн биллэ. Кини быраатын Василий Яковлевы кытары бастакы миэстэни ылары ситистилэр.
Санатан эттэххэ, 2024 с. Сергей Яковлев Арассыыйа ааттаахтарын кытары киирсэн Гран-при хаһаайынынан буолары ситиспитэ. «Сулус» полигоҥҥа ыытыллыбыт Бүтүн Арассыыйатааҕы турнирга 2000 м сыалы табан кыайыылааҕынан тахсыбыта.
Арассыыйаҕа саамай киэҥ далааһыннаах национальнай бырааһынньык – Туймаада ыһыаҕа Дьокуускай куорат Үс Хатыҥ сиригэр-уотугар быйыл…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ түмүктэннэ. Мээр көрсүһүүгэ балачча хойуутаан…
Мэҥэ-Хаҥалас улууһун ИДьМ дьуһуурунай чааһыгар биир хампаанньа бэрэстэбиитэлэ, тэрилтэ тэлгэһэтиттэн биллибэт киһи 140 миэтэрэттэн тахса…
Бэс ыйын 28 күнүгэр Туймаада Ыһыаҕар уолаттарга аналлаах «Бэргэн оонньууларын» национальнай многоборьеҕа күрэхтэһии түмүктэннэ. Муҥутуур…
Бэс ыйын 26 күнүгэр Мэҥэ Хаҥалас Доллу нэһилиэгэр Тумулга Степан Николаевич Сивцев-Доллу төрөөбүт дойдутугар ахтыы…
Саха сиригэр ас-үөл саамай наадалааҕын атыылаһарга көннөрү супермаркетка бэрт элбэх суума харчыны хаалларарга тиийэҕин. Оттон…